Chinram, Tuchun Tedim khuapi chung kahdohnak ah PDF-Zoland le CNDF Falam minung 5 an nunnak a liam tiah theih a si. A thi mi hna an min cu:

1. Benjamin Thang Sawm Lian (PDF-Zoland B-4)
2. Zam Pian Tuang (PDF-Zoland B-3)
3. Khai Sian Suan Sang (PDF-Zoland B-2)
4. Thang Sian Suan Muang (PDF-Zoland B-1)
5. Salai Thian Thawng (CNDF Falam) an si.

Nihin 2024, June 12 zinglei suimilam 7:30 tluk ah Tedim khuapi Leilum sang ah meithal puah thawng a thang i, tualchung hriamtlai in nunnak liammi an um tiah Tedim Times nih a langhter.

Hi kong he pehtlai in SAC ralhrang thawngzamhnak nih cun Tedim khuapi kahdohnak ah PDF-Zoland ralkap chungtel 7 an thi i meithal zun 7 zong an laak chih tiah a langhter ve.

Tualchung mi cheukhat hna nihcun “PDF-Zoland ralkap pawl cu Tedim khuapi Leilum sang um inn pakhat i an i dinh hna lio ah SAC ralhrang pawl nih a thlithup in an kah hna i, nunnak liammi an um pin ah tlaih a tongmi zong an um kong, nunnak liammi hna lak ah cheukhat cu inn pakhat he an ruak an khangh hna kong le Dalan nih thawng an pek hna ruang ah SAC ralhrang nih an umnak Inn fiang tein an rak theih cianak kong” an langhter. Chinland News

By admin

Leave a Reply

Your email address will not be published. Required fields are marked *