Tanintharyi ramṭhen, Dawei peng Tinkantone khua cu SAC ralkap nih an khangh i inn 8 a ciam, tiah tualchung thawngzamhtu hna nih an thanh. May 31 ah SAC ralkap 100 leng cu Tinkantone khua ah an lut i, innlo an khangh pinah meithal zong an puah len, tiah theih a si.

SAC ralkap nih khuami pa pakhat zong an thah i, khuachung ah an kaltaak. Cu leng ah pa pakhat zong a tlau. SAC ralkap pawl cu June 1 zinglei ah Yamazu khua lei ah an kal i, khuami cheukhat zong an tlaih hna, tiah theih a si.

Cu ṭhiamṭhiam in Tanintharyi ramṭhen, Laythit khua cu SAC ralkap nih hriamngan in an kah ruangah khuami 2,000 leng ralhrial in an zaam, tiah tualchung mi hna nih an chim. June 1 zinglei suimilam 7:00 hrawng ah Laythit khua cu SAC ralkap nih hriamngan in a tlawm bik voi 30 hrawng an kah, tiah theih a si. The Chin Post

By admin

Leave a Reply

Your email address will not be published. Required fields are marked *