Tedim Khuapi Le Khuate Hna Ah PDF- Zoland Nih Mipi Tonbiaruahnak An Ngaih Hna. Chin ramkulh, Tedim khuapi le khuate cheukhat hna cu October 12 in ni 15 tiang PDF-Zoland nih humhimnak an laak i mipi zong tonbiaruahnak an ngeih hna, tiah PDF-Zoland sin in kan theih.
SAC ralhrang zong thazaang a pe lo i PDF-Zoland zong thazaang a pe lem lomi Tedim pengchung khuate 6 in tualchung mipi hna cu PDF-Zoland nih tonbuaruahnak an ngeih hna, tiah theih chih a si.
“Atu cu Tedim khuapi cheuthum chung ah cheuhnih cu PDF-Zoland nih kan humhak cang. Cu pinah khuate dihlak nawn zong kan humhak khawh cang i mah um in a ummi khuate cheukhat hna zong tonbiaruahnak kan ngeih hna” tiah PDF-Zoland in ṭuanvo ngeitu pakhat nih a chim.
Motor 4 le cycle hna hmang in thazaang 100 leng in humhimnak an laak. SAC ralhrang le palik pawl cu khuapi laak dingin kahdohnak a chuah hlan ah mipi sinah i fonh in CDM tuah ding zong PDF-Zoland nih thawngthanhnak an tuah chih. Lungmili Post