Kan ral nih maw a kan te tei lai kanmah le mah dah kan i tei te lai? Tuhi zei caan ah dah kan dir, miraang vawlei hnuaimi cungah maw ka dir vawlei le lungcawhmi ah dah ka dir, dirnak hmun itheih fian hi teinak lamhmuh saktu pakhat a si.
A tu lio kan boruak hi chimhau loin nan theih cio dih ko lai, Ralhrang nih martial law a phuanmi state ah kan itel, MAH nih ‘martial law phuannak myo le ram cu ciam dihlak in kan tuk lai ” tiah akaa adaih hlanah
Thantlang palek sakhan lak a vun si tikah helicopter in a kan kah pinah helicopter pahnih in nitin tiawk in TT ah ralhrang le hriamnam a chiah hna. Helicopter in TT ah ralhrang an chiah cuahmahmi hna hi 363 tatzin chungin UC 150 kha TT,chaklei Laitlangah chiah an itim,kalaymyo ah cu 150 cu ready in an um dih cang.
Paletwah lei in Tilawngin ralhrang Chinram ah atomtom in a luhpi,luhpi chap aa tim rih tiah biachawk leng a um. Ralhrang nih election tuah aa timh fawn caah Feb in Aug thla karah Chin hriamtlai cihmih aa tim, mah cu nan ruah le theih cio mi a si ahcun zeidah kannih lei nih kan tuah ve kun lai?
1nk. Kumthum chung te tal cu pakhat ah ifun in dirtti a herh.
2nk.Dohthlennak ca tangka hmuhmi hi bel khat chungah purh in ihrawm a herh.
3nk. Credit laak le uar caan a si lo.Kaa lawngin kan dir ti siloin ahram ina parzik tiang kan dir ti herh.
4nk. Nan petlang ralkap kha raltei dingin na hmuh hna lo cun dirpi lo ngam hau.
5nk. Hlan lio kong ruah len caan si lo.
6nk. Hmunkhat te ah ralhrang doh tti in zeitin dah kar kan hlan lai.
7nk.Khat le khat kha hlan lio sualnak le santlaih lonak i kawl le hlai piak caan silo.
Mah hna hi ramchung ralkap le ramleng supporters hna nih ruah a herhtuk. Zeitluk hmanh in tangka lut hmanh sehlaw a pikpak cio in hman ahcun hmual ngeih tluk dingin a ngei bal lai lo.A cu i,ifun duh hoi rih lo ,
Nan pengtlang ralkap phukhat tthawnnak nih zapei kauh hmanh luatnak a hmu hlei lai lo,zapei kauh te luatnak dingah aa fun kho vial ifun ahau!! Raltei duh ahcun kan ifun ahau cuh,raltei kan duh lo bel cun fun zong cu va hau lem lo ti ko usih. Tangka thongkhat tlinnak dingah fangkhat um aherh bang,zapei kauh luatnak hmuh dingah ifun hau,cuti kan fun ahcun zapei kauh in a tlaang,a peng pinah Chinram tiang aluatter lai cuta.
Kan zeizong tein pakhat ah iser usihlaw ral kan nor khawh deuh lai a fiangtuk,a fiang tuk ko mi tuah duh lo cu homawh si hlah,kanmah mawh!! Ral kan tei lo tikah hodah atuar,ralkap lawng hlah,50% cu mipi (civil) dahkaw tuartu an si,ngakchia le tarnu tarpa hna zawn zong ruah peng hau, kan ifun i,kumhthum ah ral kan tei dingmi kha a pikpak cio in cun kum 18 le thla li a rau lai.
Ramchung ramleng mipi nih an fanau le athlun-al le thaw deuh an ei hnga ding ei ter lo in raltei duhah heh tiah sikhawh tawk cio in chawva an thawhmi hi,man angeih hau,ral kan tei lo cun manngei lo,pakpalawng asi tinak.
Cucaah Chin mipi nih mahtluk an izuam ve mi hi, manngei kho ding a sive ko in alang,man angeih lo sual sic un,kan ifun duh lo ruangah site lai,cucaah ral nih teimi siloin kanmah le mah kan itei tinak a site lai.
Ramleng mipi hna zong nih man angeihnak ding hmunhma le phu sinah tangka thawh ding asi,ka peng le tlang si aipat tiah zumh huaha lo zongah pek peng rai silo, nan myone aluat lo cun nan tlaang cu aluat dingah na ruah tawn rua,maw nan pengtlang upa holh kho nih dek an in hlenmi hna na zumh?
Mi 25 caah chiti langtan in meh na kio kho,voihnih kio a nguh nain mi 20 nih anmah le duhmi cio meh an i kio ah cun chiti langkhat kha voikhat ah a dih ko lai. Tuhi kan tlai deuh vak lo, a caan um ko rih hih,tucu online in meeting tuah si ko caah sui caanttha kan ngei ko rih. Salai William Hlawnceu