Mah hla hi Sui Tha ( Vanvan Nu) nih a hla bia a tuah mi asi i, a aw cu Lian Uk Thang nih a bunh piak mi asi. Cun dawh taktak le thiam taktak in a satu hi Sui Hlawn Rem a si. A tang ca bia hi Pastor Cung Hum Nupi nih a vapa a ngaihnak kong a ttial mi asi.

Nikhat cu kafa le sianginn an kai, a hniangnu hi a pu le inn ah a leng le kei mah lawng chun ah ka um.zan riah caah nga ka kio pah, a rau pah i thut dan cung ah khin ka hei zau. khua zaza khi ka ruat ka lung a leng tuk ka dawt tuk mi kanpa kha ka mitthlam ah a cuang hoi ko.

Thla hi ka cam tawn Pathian nih hin zei hmanh tuah khawh lo mi a ngei loh le a thi mi zong a thawh ter kho tu Pathian na si ko tiin thla ka cam tawn. Thutdan cung ka zau lio ah cun inn ka khi an van kingh i rak lut ko kan um ko ka ti.

Inn ka cu an van on i mi pakhat a rak lut, ka van zoh le ka ar ko a holh zong ka holh kho loh, a nih zong ka ni kho loh,a tah zong ka tap kho loh cu ti cun ka dir le a ka thirh viar. Tlawmpal ah khin “Sui ku, Sui ku ” tiah a van ka auh le a van ka kuh ko ka van i hrim i ka zoh than eii Biakkolh na rak kir than cang maw ?

Kan ngai tuk ka ti le ka kuh pah bu cun ka tap ka iit thluah mah. Zei tin dah na si? Khua zei in dah na rat, kha lio ah khan zei tin dah na um a fak tuk maw? Tiin ka bia hal mi a tam tuk .kai lawmh tuk ah hin a chim zia ka thiam loh ka hna zong a ngam tuk ning hi eii ka thla cam nak Pathian nih a ka leh ko hi teh ka ti.

Ka mit hi ka thial kho hrim loh kai nuam tuk cu vial ah cun ka fapa nih kanu tho cang na meh ut la hih tiah a van ka thangh le a ze ka mang maw si cu ngai cu aw ka ti le ka tho i ka meh cu ka hei cawi. A tak khi hei si seh law ka ti le ka mit thli a tla thluah mah ko. Maw Bawipa ka thlacam nak hi ka let ko sawh tiin thla ka cam tawn.

By admin

Leave a Reply

Your email address will not be published. Required fields are marked *