Kum 43 chuang liamta khan, Soviet Union Sipaite chuan, Afghanistan ram chu. Kristiante hunpui dawn tak. Kristmas urlawk ni. 24. December, 1979 chuan a run thut mai a, anrun dawn hian. Thuruk anzep thei viau ani ngei ang. Afghanistan ram a. Soviet Palai ngei pawn alo hre miahlo anti ani.
Soviet Union hi hetih lai hian, ralthuam lam leh thil dang ah pawh, an ropui vanglai atih theih awm e. Vietnam indona ah, communist lam rawn puiin. US chu mualpho takin a chhuak a. Cambodia leh Laos pawh Communist ah reilote ah antlu nghal a. Khawvel ram hrang hrang ah.
Communist anlian chho zel bawk nen, tu mitmei mah hi a veng tawhlo aniber awm e. Pakistan leh Iran inkar a ram awm, Afghanistan chu, a rawn luah chat a. Iran leh Pakistan hi, henglai hian, US thian tha ram ve ve anni a. Mahse an kar ah Soviet hi a rawn tlazep ngam ani.
Soviet tan Afghanistan Sipaite chu, kapzut tham leh beih buai chiam pawh ngai anni silo a. Afghanistan chu communist ram alo nive ta ani. Mahse Afghanistan mipuite hi hnam fing leh ropui tak nilo mahse, ram dangmi ngai theilo leh ralhrat tak anni hlawm a. Chutia mikhual huangtau zet kawl rengchu antum bik hauhlo ani.
Soviet Union hian an thurualpui theih tur, Afghanistan mite chu hruaitu ah ruat in, Sipai andin bawk a. Ram pawh an awpbet thei rih viau. Mahse Afghan ho hian enliam ta mai mailo chuan. An theih ang ang in ando chho ve zel a. Mahse anchan erawh a chhe thei hle ani.
Soviet Sipai ten, AK Rifle leh Armour motor tha tak tak an hman laiin. Chunglam ah, Helicopter Silai nei chiin a rawn thlawp zel bawksi a. Afghan ralhrat ho an hek thei viau a. Silai leh annei tha thlawt bawk silo. Chu tahle, US lam pawh an awm hle hle thei biklo, an zawlpui ram bul mai ah. Soviet rawn inchhawpta chu, a beihlet dan tur an zawngta ruai mai a. Vietnam ang a, Sipai tirh kha an ngam tawh silo.
Pakistan ram beh chhan in, Afghan pa ho, Soviet beihnan, Silai an rawlhruk chho tan a. A tir lam ah chuan, Silai tha tak tak pawh anpe ngam mai biklo a. Indopui pahnihna hunlai mi, .303 Rifle kha anpe thin a. Mahse Afghan ho hian, Silai tha neilo mahse tihtak zetin ando peih tih an hriat tak ah chuan, ngaihtuahna an seng zau a.
Ti chuan, ngaihtuahna thar an siam a. M16 Rifle, Vietnam ho anpek chiam ang kha ti tawhlo in. CIA te chuan, AK Rifle ram hrang hrang ami, a remchan dan angin. Anlei khawm a, Soviet Sipai kah nan, AK Rifle chu an thawnlut ta zel a.
Silaimu anpek phak tawhloh pawn, Soviet Sipaite an laksak kha anhmang thei nghal zel a vangin, Supply ah buaina pakhat chu a kiamve deuh ani. Hei hi thil pawimawh tak ani. Pakistan ram ah Silaimu anrawn la leh reng thei bik tawh silo a. Hmelma te Silai ang hman kha, thil tha tak ani.
Pakistan ram hi, he Indona chhawrtu ram ani awm e. US hian a biak that phah em em bak ah. Kha tihlai hun a, khawvel a, Multirole Jet Fighter tha ber mai. F-16 a neih phah bawk ani. A chhan chu, Soviet Air Forces te khan, tumah zahpah vak heklo le.
Pakistan ram chhungte pawh an rawn lut fo mai a, kha tak kha, US leh Pakistan tlawm ngai chuan, F-16 an phit chhuah tirve ta a, an reh hmak ta chu ani. India erawh anlo buai hle a, Pakistan in F-16 ankawl meuh chuan, a beilet tur zawngin anlo phe nasa hle ani.
Soviet union hian, kum 9, thlakhat leh Kar thum hnu ah, Afghanistan a tang hian, ropui lo takin, an puanthuah telin an chhuakve ta ani. US hian Afghan ralhrat ho, Mujahideen pawl hrang hrang a pui nasa a.
Soviet thlawhna kah thlak nan, MANPAD lar leh tha, Stinger Missile pawh a pe hial anih kha, rawlral a beih tak tak chu, Soviet pawn antlin bik rengta lo ani. Soviet Union hian, Sipai 14,453 nunna an chan a sawi ani a. Kum khat ah, Sipai 1,600 vel zel chan ang anih chu. US in Vietnam a a chan ai chuan a la tlem zawk deuh e.
Thlawhna chi hrang 451 a chan bak ah, Tank 147 leh Armour Vehicle 1,314 a chan bawk ani. Ralthuam dang pawh a chan nual bawk nen, Soviet Sipaite chu kum 1989, February ni 15 an chhuak felta ani. Afghanistan lam pang pawh an hek ham ham khawpmai, mipui nuaih 20 vel bak ah, Mujahideen nuaih 2 dawn an boral bawk ani.
US leh a lam tangte hi, Soviet union an tlawm tak ah chuan, lawm viau mahse, Varung sava, mahni tuilo awpkeu, ansawi ang maiin. Afghanistan ah chuan, Pawl hrang hrangte chuan, Lalna inchuh in an Indo zui nghal a. US lah a reh hmak tawhsi. Indo buai reng kar ah chuan, khawvel ti buairap khawp a pawl lian leh rothap. Taliban anlo pian phah leh a, US bawkin a bei leh a, mahse kum 20 hnu ah mualpho takin an chhuahsan ve leh ta ani.
Afghan ho sawi dan takin. Alexander the Great a te, Chenghis khan te leh British te pawn min rawn run tawh thin, mahse tumah an hlawhtling ngailo anti thin ani. Thlalak chung zawk hi. Mujahideen Sipai. A hnuai zawk hi, Soviet union Sipaite anni.