Southern Military Region, Sub-Military 2 Force for Federal Democracy (F.F.D) le ṭangṭi phu hna nih thla 6 chung ah SAC ralkap sakhan ngan 6 le sakhan hme 8 kan laak khawh, tiah Force for Federal Democracy (FFD) nih an langhter.
2023 January 1 in June 30 tiang ah SAC ralkap sakhan ngan 9 cu Force for Federal Democracy (FFD) le ṭangṭi phu hna nih an kah i sakhan ngan 6 an laak khawh. SAC ralkap sakhan hme deuh, sentry(sentiri) an cawnghnak sakhan le BGF sakhan 8 zong an laak khawh.
Kahdohnak ah SAC ralkap 180-250 kar an thi. FFD in ralkap pakhat nih ram le miphun ca ah a nunnak a pek ve, tiah theih a si. Cu leng ah rallam a sialmi SAC ralkap pawl zong voi 5 tiang kan kah hna i mei bomb telh in bomb lung 1,910 kan thlakhnawh hna pinah FFD nih kan sermi lamhlat kahnak missile bomb lung 160 leng in kan kah hna, tiah an langhter.
Thla 6 chung kahdohnak ah KNLA le NUG runvennak zung(MOD) lamhruainak le timhtuahnak in FFD le ṭangṭi phu hna nih an kah hna, tiah theih a si.
Thla 6 chung kahdohnak ah Karen National Liberation Army(KNLA), PDF, Bamar People’s Liberation Army(BPLA), Karenni National People’s Liberation Front(KNPLF) le Karenni Army(KA) hna leng ah a dang PDF hna zong an i tel i drone le lamhlat kahnak missile zong kan hman, tiah Force for Federal Democracy (FFD) nih cun an langhter. The Chin Post