Sit Tway ah electric mei a mit SAC kuttang tanghra caminpuai tuah ding mi hna har an tong. Rakhine ram ,Sit Tway khua March 7 zaan suimilam 8 :30 hrawng ah khan electric mei a mih caah tanghra camipuai phit a tim mi hna cu cazoh kho lo in an um hna.
Tanghra camipuai an tuah lio ah hin electric mei a mih lonak ding ah tiin EPC nih March 1 in 8 tiang zaan suimilam 6 : 00 am in zing 6 : 00 am tiang seh riantuannak zung fah deuh hna cu khar ding in March 3 ah khan a rak thanh hna.
A tu bantukin mei a mih hi SAC nih an tuahmi tanghra caminpuai tuah a tim hna cu hna a hnawh ngai hna kong theih a si. Mei cu zaan suimilam 8:00 pm tiang a rat lo caah cheukhat hna cu meithling cawk ah an kal hna.
Mei a mit lai lo tiah SAC nih an thanh mi cu k arak zumh ngai nain thaizing camipuai tuah lai tiang ah hin mei cu a mit than thiam ,an chim mi le an tuahmi a lo loh , a tu zong hi ka fa caah meithling cawk ah ka thawh tiah kum upa pakhat nih a chim.
Meimih kong he pehtlaiin EPC nih thawngthanhnak zeihman an tuah rih lo , SAC nih uknak a lak hnu in mei hi a mih langmang hmuh khawh a si.LCBN