Sagaing ramṭhen, Shwebo peng, Ywarthar khua Pyusawhti sakhan cu PDF ṭangṭi phufonh nih kalhnawh in an kah i an laak tiah kan theih.
February 13, zing suimilam 1:15 tluk ah Shwebo peng, Ywarthar khua Pyusawhti ralhrang sakhan cu mizapi ralkap ṭangṭi phufonh hna nih an kah i an laak tiah theih a si.
SAC ralhrang le Pyusawhti thimi le hliamtuar an um caah sakhan chuahtaak in an zaam i zing suimilam 10:30 tluk ah tlamtling tein an laak khawh tiah an langhter.
“Phu 5 ah i ṭhen in voi 2 tiang kahdohnak a um mizapi ralkap chungin minung 3 nunnak liam, tiah 96 soldiers-PDF chungin ṭuanvo ngeitu pakhat nih a chim.
SAC le Pyusawhti ralhrang 7 an thi, hliamtuar tampi anum, ralthuam zeimawzat an laak chih, tiah an langhter.
Kahdohnak ah aa telmi hriamtlai phufonh hna cu shwebo crocodile, Shwebo mipi vengtu ralkap, le 96 soldiers-PDF ṭangṭi phufonh dang hna ansi tiah kan theih. Lungmili Post