Sangau Ralzam Bawmhnak. Gospel Ministry International riantuannak ah thazaang nan chuah ciomi chungin Sangau (Mizoram) ummi chungkhar (173)hna cu facang tun khat cio kan phawt hna.
Pechantu vialte Bawipa nih thluachuahnak in pe hna selaw, kan miphun ralzam dirhmun ummi vilate Bawipa nih in kilveng ko hna seh! Amen. Gospel Ministry
Thaizing kip i an caih dingmi One Budget One Command kongah keimah pumpak ka ruahnak
A luancia thlakhat lio ah CDB hrilhhawhnak in CDF Phufonh vialte. CNF hruaitu le Chinland Club riantuan tu hna tonnak an rak ngei i bia an chat kho lo i cucu thaizing kip Septimber thla 12,13 ah tonnak CEBC Biak inn ah an ngei than lai.
Cu tonnak cu a tlamtling hram seh tiah mipi saduh thah zong a si. Hi konghe pehtlai in ka ruahnak chim ka duh ve mi cu nai meeting zei maw zat cu an bia ka ngai ve i an i lak lawh deuhnak te thil a um cucu CDF phufonh le Chinland Club.
CDB i fonh in tuankhawhnak dingah cun CNF lei siseh, CDF Suporters phufonh si hna seh karlak ah um cio in hnu lei ah karkhat an i tawn cio a hau tiah ka ruah. Cucu hnu lei ah an i tawn duh lo veve cio ah cun lawng kir si than sual lai phan a um.
Cucu One command kongah cun an lungtling cio dih ko tiah ka hmuh. a mah belte One Budget kongah pengtlang cheukhat nih kan nih hi kan tam deuh caah percent cu zat cu kan i zaa lai lo timi zong a um i cheukhat ruah ve mi ah a tho lo mi pengtlang nih thawh duh theng lo in mi thawh cia an i rinh sual lai timi a phang mi zong an um i cucu el awk a tha lo mi si..
One budget kongah midang cu ka chim lai lo. kan mah khua hmanh ah keicu CDF ca lawng thawh ding ka ti cang timi an um i cheukhat ve nih CNA ca lawng kan thawh cang lai timi an um ve.
hawikom le naihniam he bia kan i ruahkhawh tawk zongah cucu bia cu a um i mipi phaisa thotu hi phu 2 ah i then bantuk a si cang caah One Budget hi an kan kalpi khawh lo ah cun khat lei khat lei thazaang a der cang lai timi hmuhkhawh a si.
Cucu one budget in an kan kalpi khawh ah cun CDF ca e CNA ca e timi ah buai ding a um ti lai lo i Chin ralkap caah timi biafang pakhat lawng a um cang lai i khuami cio phaisa halnak zongah zaang a dam lai i riantuan zong a fawi deuh lai i kan mipi zong nih cucu an i lawm cio lai.
Cu one budget kongah zeitin dah karlak lung tlinkhawhnak bik dinga si lai ti ah cun (thachunnak ) minung pakhat ah kumkhat caah $1200 a si ah cun CNF/A caah 900 maw 800 maw a kal lai i CDF caah 300 or 400 a kal ve hnga.
Cucu phaisa thawh mi poh cu pengtlang riantuan tu sinah a phan hmasa lai i a tling cang ti hnu ah maw Phufonh nih an thimmi ngunkeng sin ah a phan than lai i a mah le a kal nak dingah an kal ter than lai.
Thawh ning cang ah cun (tahchunnak) Thantlang CDF Supporters in minung 500 nih an thawh ah cun cu minung 500 a thawh mi percent 300 or 400 kha CDF Thantlang ah lut dih seh. Zophei CDF Supporters in minung 100 lawng nih kan thawh ah cun 300 or 400 lak ding percent kha Zophei CDF nih a co ve lai tinak si hnga.
Tlawm deuh a thomi nih tlawmdeuh percent an ngah ve lai i tam deuh a tho mi nih pengtlang CDF caah tam deuh an ngah ve lai tinak si i cu tal cu cohlang hram hna sehlaw thatuk hnga, Cu pin ah mah le pengtlang cio in zaanghlei a cawi khomi an um ah cun pengtlang caah a hei kal ko lai. cucu zaangdam ngai mi a si i mipi caah zongah a tha i chinmi kan dihlak caah hlok nak tampi a chuahpi lai.
A percent kong bel ah cun cunglei ka tial cang bangin CDF phufonh lei si hna seh. Chinland Club le CNF lei zong nih kar lak ah sungkhan veve in a zaa tawk in hnu lei ah karkhat cio i tawn hram hna seh.
Tutan hi cu bia an fun khawh lai timi zong ruahchan nak nganpi a um i biafun nak zong an tuahkhawh fawn lai timi zumhnak a um.Pathian tu nih kan hruaitu hna an thinlung cio ah riantuan hram sehlaw Chinram caah a tha bik in biafun nak kan ngeihpi hram hna seh tiah ka saduh thah ka hun langhter ta ve. Lai Kam Thang