Laimi lakah journalist min ai bunhmi cu kan tampi ko hnga, nain tuni tiang ah The Chin Post i riantuantu a simi Salai Samuel Thawng Cinzah tluk in journalist rian ah ai pumpe khomi kan um rih men lai lo. Anih cu ai biatak bak ko.
![May be an image of 1 person, standing and text that says 'THE CHI ۔t This'](https://scontent.fdel7-2.fna.fbcdn.net/v/t39.30808-6/332881606_1249475368999988_8034290990229857360_n.jpg?stp=cp6_dst-jpg&_nc_cat=105&ccb=1-7&_nc_sid=8bfeb9&_nc_ohc=gBdg16C4AxUAX8Xk24t&_nc_ht=scontent.fdel7-2.fna&oh=00_AfABfk7fDVN5U3DJRFi5TDc_VObTVJXVcK7SX_avVkNwhw&oe=63FBC808)
Timit raltuk lio zong ah frontline bak a kal i thawng a kan thanh, Thantlang zong ah meithal kuan le bomb lakah kal in mipi hmuh duh bikmi tling taktak in a kan hmuhter. Amah bantuk ‘journalist asit’ hi Laimi nih tampi kan herh hna.
Miphun dang bantuk in journalist upat peknak tuah kho ve u sihlaw Salai Samuel Thawng hi cu zuamcawhtu ngeilo bak in roca pek colh a phu hringhran mi a si ko. SLT
Relchap- China Ah Vawlei Cimhnak A Cang, Minung 4 Nunnak Liam, 40 Leng An Tlau. China, Inner Mongolia hmunhma ah lungmeihol khur an cawhnak ah vawlei nih a cimh hnawh hna tiah theih a si.
Cu ka hmun ah rian a ṭuanmi hna cu mibawmchantu phu minung za reng lo nih nihin February ni 23 tiang an kawl hna. Cu thil a can hi February ni 22, zanlei suimilam 2:00PM ah a cang i, vawlei cimhnak a cannak hmun ah bawmhchanh colh ding in China president Xi Jinping nih nawl a chuah.
Vawlei cimhnak ruang ah nihin tiang ah hmuh khawhmi ah minung 4 nunnak a liam cang, minung 6 nih hliam an tuar i minung 49 an tlau tiah China cozah CCTV thawngthanhnak nih a langhter.
Hliamhma tuarmi minung 6 cu nungdam in kan chanhchuah khawh hna tiah China ngandamnak lei commission nih February ni 22, zanlei ah a thanh. A tlaumi minung kawl cuahmah lioah vawlei cimhnak a can ṭhan caah bawmhchanhnak tuah ding in bawmtu hna zong harnak an tong.
China president Xi Jiping nih cun vawlei cim a chuahnak hmun ah bawmhnak le a tlaumi minung pawl kawl ding ah February ni 22 ah a chim tiah China cozah thawngzamh ca nih a langhter. TCP