Salai Lungthli Tum nih thawngpang ttha taktajk a van thanhmi mi cu “Wow! wow! Winner Chin STAR hlasak zuamnak ah pakhatnak Winner laksawng ting 100 ka chap, ting 200 a si cang lai. Chin STAR hla zuamnak ah pengkip tling ngai in kan i tel cio ka hmuh caah kai lawm tuk. Winner laksawng cu ting 100 ka chap i a dihlak ting 200 asi cang lai. First runner up hi ting 20 si ti loin ting 50 a ngah ve lai.
Second runner up zong ting 20 a ngah ve lai.” Tiah a thanhmi cu a si a peh chapmi cu Tuni tiang mipi a hninh kho bikmi Chin STAR contestant hna cu Ronald, Simai Paw, Tracy Lar, Lian Lian, Napo Leon, Joseph le Par Tin Tlem an si. Ronald, Napo Leon le Joseph hi an hla bia nih mipi lungthin a suk, aw a kal ning ngaih nuam i sak ning an thiam fawn.
Lian Lian le Simai Paw khi an aw unique a si, an aw ai dawh. Tracy Lar khi a mui duhnung, a aw zong duhnung chih. Par Tin Tlem khi cu a hla zong Khrihfa hlabu ta a si ko nain hla fungkhat ah key voi 3 bak a san lei a thlen ngam tikah a vocal a that ning a fianter ve. August thla chung ah contestant 30 deng Yangon an rak phan cio lai.
September thla an i zuam lai i thla dih ah khin top 10 thim an si te lai. Atu like tam bik 7 hna hi an i tel dih te hnga maw dik? Nang aho dah winner a si te lai na zumh? Video 300 leng an kan kuat. Cu lakah 73 lawng kan tar kho rih. Video a kan kuatu poah August 5, judge hmai Zoom audition luh a ngah lai. Salai Lungthli Hi Pa Men Lo Pei a rak si hi.