Atulio ralhrang kan doh nak ah ral tampi a kan tei pi tu kan ralkap bu hruaitu alu bik Army Chief of Staff Brigadier Ngun Hlei Thang hi mi dingfel, mi raltha asi. Ralkap bu pakhat hruaitu lubik a ttuan mi ah cun a kum a no te rih mi asi. Army Chief of Staff asi caah ralkap auh ning in CS tiah kan auh.

Mi dingfel mi ralttha asi. A ralkap pawl nih an upat i an dawt bantuk in CNF party upa pawl zong nih kan upat ngaingai i kan bochan ngaingai mi asi.

Atu lio kan miphun ning in ral lian kan doh lio asi caah kan ralkap bu hruaitu hna le kan ralkap hna caah fakpi in thla cam ko hna usih. Abik in in kan ralkap bu hruaitu CS ca ah hin thlacam philh hna hlah usih.

A hmun ground i ral ado taktak mi hna kan ralkap pawl hi zei bantuk bu an si zong ah an mah le an mah an idaw, an i upat hna.

Politics tthalo le zeiruaramlo politician pawl nih kan miphun rualrem nak an hrawh lo ding le kan ralkap an limhang an zor ter lo ding kha abiapi ngaingai mi asi. Chin miphun vialte kan dihlak in miphun ah pakhat kan si ti kha philh lo ding asi lai.

By admin

Leave a Reply

Your email address will not be published. Required fields are marked *