Thantlang Peng Ah SAC Nih Jet Fighter 2 In Bom A Thlak. Chin ramkulh, Thantlang peng ah SAC ralkap Jet vanlawng 2 nih bom a thlak tiah theih a si.
October 10 chun sml 12:50pm hrawng ah Tada Oo vanlei ralkap nih Jet Fighter vanlawng 2 in bom a thlak tiah SAC vanlawng kahdohnak a ngiathlaitu phu nih an thanh.
Chin ramkulh chung thawngpang a tawifiannak tein a tar lengmang tu minung pakhat zong nih Thantlang khuachung ah SAC ralkap kahdohnak vanlawng nih bom voi 6 hrawng a thlak cang tiah a langhter ve. Vanlawng kahdohnak ruang ah aa rawk mi dirhmun cu a fiang in theih a si rih lo.
October 9 zaaná¹im zong ah Kachin ram, Laiza khua pawng, Monlai ralzaam sakhaan cu SAC nih hriamngan in a kah caah hngakchia telh in a thi mi 30 hrawng an um i hliam a tuar mi 50 leng an um tiah Kachin ram hrambunh thawngzamh pawl nih an langhter. The Chinland Post