Chuncung ah ralhrang nih a bomb a thlak peng rih tutiang ah inn 26 tiang a kang mi asi tiah theih khawh tawk cu asi. Kan mipi ralkap nih tampi an vun kah thah hna bak in khua inn duah lei in an ttang hui ko hih! Ralhrang cawlcangh le umtu hi cu huat an tlai kho tuk!
A tang ah hin ralhrang nih cunglei in vanlawng hmang in Chuncung khua bom an thlak i a kangh cuahmah lio nak videi ka thil chih rak zoh ve hmanh ngaihchia taktak asi. chuncung khua mi vialte nan ngaihchiat ah a nung kan Pathian nih in hnem ko hna seh.
Relchap- Tuzing ahkhan Kalay peng i a ummi kan ralkap PDF minung 10 cu hriamnam tha phuntling he ralhrang nih phone line vialte an phih dih hnu ah an kulh hna i an tlaih hna. Pakhat cu faktuk in an vuak caah photo ah an langhter lo.
A thimi cu a thimi an va si cang ko i kan vai lungsak a hau tawn, asinain hi bantuk nung buin tlaih mi ka hmuh ahcun ka celh lo bikmi asi. Cutluk ka lungfah cu ka nunnak hi pek in chanh kho ding hei sisehlaw ka nunnak hmanh ka pek ko hnga mu. Var i an tlaihmi ralhrang 14 he khan thlen hna ding an si. Asinain kan lung a thawng chinchin lai!
Hi thil hi kan ralkap pawl i ralrinlo bia silo in ralhrang nih phone line le Internet an phih dih, cun Dalan nih an umnak hmun hi dikdiar in a chimh hna caah asi tiah lunghrin asi. A poi ti pin cu chim awk a um ti lo! An photo zoh ahkhin an hnarthi a chuak ngai in a lang thlacamnak in bawm cio hna usih. ralhrang nih Chuncung khua bomb an thlak lio nak  Video link zohnak