SAC Ralhrang Nih Nu Pakhat An Tlaihhrem Hnu Ah An Thah; Phungki Pakhat Telh In Mipi 3 An Khanghthah Hna.
![May be an image of 1 person and text](https://scontent.fdel24-1.fna.fbcdn.net/v/t39.30808-6/335637294_632912838676665_6553845031201574178_n.jpg?_nc_cat=104&ccb=1-7&_nc_sid=8bfeb9&_nc_ohc=_Gvs092i9R0AX8MzfAT&_nc_ht=scontent.fdel24-1.fna&oh=00_AfA7r17yEK362zdcRREpSSDdLKN4GnB6wbFB7YV5Qq0dow&oe=641A8E02)
Mandalay ramṭhen, Madaya (မတ်တရာ) peng le Sagiang ramṭhen ramri ah hmunkhuar mi SAC ralhrang pawl nih Shwe-ke-pyian (ရွှေဂဲပြန်) khuami nu pakhat an tlaihhrem hnu ah an thah i, phungki pakhat telh in minung 3 zong mei in an khanghthah hna, tiah tualchung hriamtlai nih an langhter.
Vaute[March] 13 in 17 tiang Madaya (မတ်တရာ) peng le Sagiang pengchung khuate hna cu SAC ralhrang nih an luhhnawh hna i Shwe-ke-pyian (ရွှေဂဲပြန်) khuami nutung pakhat cu SAC ralhrang nih an tlaihhrem hnu ah an thah. Cupin ah phungki pakhat le mipi 2 hna zong mei in an khanghthah hna, tiah theih a si.
“SAC ralhrang nih Shwe-ke-pyian (ရွှေဂဲပြန်) khuami nutung pakhat an tlaihhrem hnu ah an thah. Kum 10 tluk fanu ngeimi pakhat a tantak, mipi 2 le phungki pakhat hna zong mei in an khanghthah hna” tiah tualchung hriamtlai ṭangṭi phufonh in ṭuanvo ngeitu pakhat nih a chim. Lungmili Post