Monywa Immigration zung ah hmun khuar mi SAC ralkap kahdoh an tong i minung 15 hrawng an thi. Sagaing ramțhen Monywa khua um Nyaung Pin Soh immigration zung ah hmun khuar mi SAC ralkap 30 hrawng cu Chindwin Attack Force le hawikom phu hna nih March 8 zing sml.9 hrawng ah hriamngan hriamhme he an kah doh hna i SAC ralkap 15 hrawng an thi.Cu pin ah immigration zung le building pawl zong an hrawh hna tiah theih a si.
Chindwin Attack Force chimnak nawl ngeitu nih “Kahdohnak a um lio ah ralkap a bawm tu an hung ra i hnu ah kan pil țhan.SAC lei i khuika sakhan in an si theih a si lo” tiah Ayeyarwaddy Times ah a chim. Cun kahdohnak i a thazaang der deuh mi SAC ralkap hna nih a pawngkam ah a um mi khua i khuami 2 meithal in an kah thah hna tiah CAF in theih chap a si.
Mah Kahdohnak cu Chindwin Attack Force battalion 2, battalion 3,battalion 4 Special commondo phu (Monywa The Boys), Monywa pengkomh battalion 4 tetkhuai -3 Monywa Nightking PDF, Monywa pengkomh battalion 4 tetkhuai -4, 5/Teachers People Defense Force -PDF, Monywa pengkomh battalion 7 (Lightning People Defense Force) , Yinmarpin pengkomh battalion 28 Damasai tetmadaw , Monywa pengkomh battalion 11 PDF-South Monywa, Spring Dove le Yetkhah Nyinaung hna i fonh in an tuah mi a si. LCBN