Sagaing ramṭhen, Kalay peng thlanglei Yelayoo khua cu SAC ralkap nih hriamngan lung 2 in an kah caah khuami pakhat nunnak a liam i pa pakhat zong hliamhma a pu, tiah Khit Thit Media nih a ṭial.
June 9 zanlei suimilam 1:00 hrawng ah SAC ralkap nih Yelayoo khua cu hriamngan in an kah caah kum 50 tluk nu pakhat cu hriamngan kuan nih a paw ah a khen i a nunnak a liam. Kum 34 pa pakhat zong a hnakruh ah hriamngan kuan nih a khen ve. Leithuannak seh thilri hna zong an rawk, tiah tualchung mi hna sinin theih a si.
Tualchung mi pakhat chim ning ah, SAC ralkap nih kahdohnak um loin umhmun an khuarnak GTI le hmun dangdang in hriamngan an kah tawn. Kalay chaklei le thlanglei ah hriamngan an kah peng, tiah theih a si.
Cu pinah SAC ralkap pawl cu Zinkalin khua ah umhmun an khuar i khualu ah sentari cawnghnak an sak caah pawngkam um khuami hna cu ralhrial in an zaam, tiah tualchung mi pakhat nih cun a chim. The Chin Post