A Poi Kho TakTak Si Kalaymyo, Santa khua Bom tlak ruangah Pa Van Khaw Nei hna chungkhar nih faak tuk in ngaihchiat nak an ton.
Nu Khup Bawi (Kum 40) cu a ke a bul i, A fanu Cung Za Thiang (Kum 11) cu a khuk faak ngai in bom nih a peh hnawh, A fapa Van Thiang Lian (Kum 7) cu a luvun a hawk dih i San Lian Mawi (Kum 4) tu nih cun a kan thih taak.
June 21, zan nazi 9:00pm ih Bom nih a tlak hnawh mi in chungkhar nufa thum cu a tu hi hmunkhat ah an thlop cuahmah lio hna an si.
Zawnruah nak he bawm chan a duh mi hna kan um a si cun a tang lei kan langhter mi ah hin pehtleih khawh peng an si.Lal Thla Muan Kalay. 09891265085
A Ram Chung Mipi Thahnak Ding Ah SAC Nih India Sin Ah Hriamnam A Cawknak Man Cu A Tam Bak Ko
Thla 6 Chung Ah $ 5million (Nuai 5) Leng Man Hriamnam Cu SAC Nih India Sin In A Cawk. Thla 6 chungah India nih SAC sinah US dollar nuai 5 leng man hriamnam le zen-kuan a zuarh, tiah Justice For Myanmar (JFM) nih an langhter.
2022 November thla in 2023 April thla tiang (thla 6) chung ah India ram Bharat Electronics Limited (BEL) Company nih ralhriam lei fimnak le hriamnam thilri hna cu SAC a zuarh, tiah theih a si.
India Company nih SAC a zuarhmi lakah radio seh le radar he aa pehtlaimi thilri le ralram i hmanmi pehtlaihnak seh hna an i tel. Cu pin ah SAC ti ralkap submarine le battleship ca ah a biapi ngai mi catlap(documents) hna zong an i tel, tiah Justice For Myanmar (JFM) nih cun an langhter.
India nih SAC sinah voi 6 hrawng cu hriamnam a kuat cang i voi 3 hi SAC kut ah a kuat. Voi 3 hi SAC he aa pehtlaimi Company sinah a kuat, tiah theih a si. Rammi a thattu SAC bawmtu India cu SAC nih sualnak a tuahmi cungah teltumnak a ngei tluk a si ve, tiah Justice For Myanmar (JFM) nih cun an langhter. The Chin Post