SAC Ralhrang An Battalion Ning In An Thah Dih Hna Lengah An Hliamnam Vialte An Lak Piak Dih Hna

Karenni Kahdohnak Ah SAC Ralhrang Battalion Ning In An Thi/Tlau; Hriamthil Zong An Lak. Karenni ramkulh ah kahdohnak fakpi a chuak i SAC ralhrang an phu (Battalion) ning nawn in an thi pin ah hriamthil tampi zong an lakpiak hna caah SAC ralhrang nih cunglei le hriamngan he an kah hna, tiah Karenni ralkap lei thawngla tu pakhat nih a chim.

“Vaute [March] 24 ah Shan-Karenni ramri lei ah kahdohnak faktuk a chuak, SAC ralhrang an phu (Battalion) ning in an thi/tlau dih caah cunglei hmang in an rak kah hna. Karenni ṭangṭi phufonh nih an kah hna caah a tu kahdohnak a faktuk, hriamtlai phu hna nih thawngfiang thanhnak zong an van tuah ko lai” tiah Karenni ralkap lei thawngla tu pakhat nih a chim.

SAC ralhrang thimi hna ruak pawl le hriamthil hna an laak khawhmi hmanthlak pawl cu hmuh an si dih nain Karenni ṭangṭi phufonh an himnak ding kan ruah caah a hmunhma fiang tein langhter a si rih lo, ṭangṭi phufonh nih thawng an thanh ko lai, tiah a langhter chih.

Lungmili Post