Than-lwin Tivakam SAC Ralhrang Sakhan Pakhat KNLA Nih An Lak; Ralhrang 40 Leng An Thi. 2023 Vaute 28 Than-lwin tiva kam um SAC ralhrang sakhan ngan pakhat a si mi Mya-ka-tha sakhan cu Karen National Liberty Army (KNLA) nih March 28 ah an lak i ralhrang 40 leng an thih pin ah hriamnam tampi zong an lak piak hna tiah kan theih.
Hi ralhrang sakhan cu KNU ralkap Brigade (5) nih an tuk hna i suimilam pakhat tluk an rauh hnu ah an lak khawh hi a si. “Mah ralhrang sakhan hi sakhan lak ah a ngan pawl a si ve. March 28 zing suimilam 6 leng deuh ah kan lak khawh.
Suimilam pakhat tluk kan rau, ralhrang a thi mi cu an i pong ko, an bawi deuh pawl telh in 40 leng an thi. Hriamnam zong tam ngai kan lak piak hna. Caan rau lo te ah phung ning in thawngthanh nak zong tuah a si colh lai.”tiah sakhan lak ah aa tel mi mipi ralkap pakhat nih a chim.
Ralhrang sakhan an lak mi cu mei an khangh piak dih hna. Sakhan laknak hmun ah KNLA ralkap lei in minung 3 hliam an pu tiah kan theih. A tang ah hin KNLA nih ralhrang sakhan an lak piak hna nak video link ka thil chih rak zoh ve. Lungmili post