Tuhi Kalay in ralhrang raltuknak Langta Mi35 helicopter Chinram lei ah a zuang i Hakha khuapi ah a va ttum tiah theih asi. Tuhi SAC ralhrang pawl cu kan pasaltha hna nih an kalnak ding lami an hrawh piak hna caah kal kho lo in Lungpi hrawnghrang ah an i taap lulh ko rua.
Lungrang khua lei ah ralhrang hmaisuang a kalmi hna cu Lungpi khua ah an rak kir tthan dih tiah theih asi. Motor rual cu an dirnak hmunah an dir peng ko rih caah tuzan hi Lungpi ah riah an itim ko lai tiah kan zumh a si.
Nizan 21 March, Lungpi khua phak hlan kahdoh nakah Chinralkap nih bom oi hnih an puahhnawhhna i, ralhrang hliam pahnih Falam siizung ah an kalpi hna i, pakhat OPD an phanhpi ah a thi, pakhat an thlop lio, a hmun thi zat tucu ka thei lo. Motor rawk, JCB an dawh/hnuh termi kha micheu nihcun uc nih an remh kho cang e timi an um.
Kalay to Lungpi kar ralhrang kahdohnak ah cuzat khazat kan thanh hna e timi ah mipi lunglaak nak tuah cu a ttha ve ko nain zumh awk tlak deuh in chim cio ah atha men lai, Kalay in Falam, Lungpi phak lai tiang kahdohnak zat le khoika an i kah, zei btk din le faak in kah le bom puah an si timi kha theih a si ko caah mipi hi hlen awk kan tha tuk ti lai lo.SWHC