Matupi Peng, Welu Khua, SAC Ralhrang Jet Fighter Hmangin Hriamngan Kahnak Ah Ngakchia 8 Telh In Mipi 11, Nunnak Liam
November 16, zaan suimilam 7:00 tluk khan Chin ramkulh, Matupi peng, Welu khua cu SAC ralhrang nih kahdohnak umlo in hriamngan an kah caah tualchungmi 11 nunnak a liam, cu lak ah ngakchia 8 an i telchih, tiah theih a si.
SAC ralhrang hriamngan kahnak ruangah Welu khua chungkhar khuasaknak inn 18, fimcawnnak Inn 2 le Biakinn 2 a rawk chih tiah an chim.
November 16, zaan khan CDM tuah mi fimchimtu hna nih ngakchia ca an chimh hna lio ah, SAC ralhrang nih a tu bantuk in hriamngan an kah hi a si, fimcawng ngakchia kum 5 in kum 12 karlak minung 8 le ca chimtu saya 3 an nunnak liam, tiah theih a si.
A hnubik thawngpang an langhter ning in SAC ralhrang hriamngan kahnak ruangah Nu 4 hliam an tuar, tiah an langhter chih. Lungmili Post