SAC ralbawi Ke ralkap a simi Phon Myat cu May 25 ah khan Paletwa ramkulh chung ah a phan I vehvatnak a va tuah , mah rawlbawi pa a tlun hnu in facang le a dang ei ding hna zong a man an kai ngai ngai hna tiah theih a si.
A tu dirhmun ah cun Chin Ramkulh Paletwa khua ah hin facang tunkhat ah thong 80 a si , arti 3 ah thong 1 a si I, Mame pakhat ah hin 700 a si cang kong hmuh a si , MPT phone bill hi 1000 mah ah hin 1500 in an zuar hna.
Paletwa peng chung hna cu SAC ralkap nih kokek harnak a chuak lai tiah an ruahdam caah ram venhimnak tuah ding in Nay Win nih nawl a rak pek hna nain a tuah tiang zeihmanh an tuah lo pin ah facang man le eidin man pawl a man a lat in an kai hna cu hmuh a si , ei awk nge lo dir hmuntiang a phan khomi dirhmun ah an um hna kong khuami hna sin in theih a si.
May 25 lio I SAC ke ralkap ralbawi Phon Myat a phanh lio zong ah hin SAC ralkap battalion 289 hna chungkhar pawl lawng hi eidin bawmhnak a pek hna.
May 27 lio ah khan PADC nih a thanh dan cun Mocha thlichia ruang ah hin Paletwa peng ah hin inn 428 a rawk , biaknak inn 8 a rawk , fimcawnnak inn 14 a rawk fawn , facang chiahnak 5 , Tilaknak pep 7 , Meitung 4 le dumkulhnak ti pawl zong an I rawh len hna kong an theih mi ah hmuh khawh asi.