Țah thawng a dai chin lengmang lai i, thlanmual in na chungle an rak kir cang lai…mileng pawl caah lakphak le chang hna an pek lai i an buai lio…cu lio ah cun na taksa pi cu vulei tang ah a um cang.
suimilam(2) hnu ah.Ruak hum kholo mi sin in, an siarem lonak le thawngpang halnak phone in atu le tu a ra lai…Fb ah an ngaihchiatnak le RIP a titu a tam lai.mileng pawl kha politics kong, sports kong, sumdonnak kong hna an chim thok cang lai.
Suimilam(6) hnu.Na chungkhat pawl le na kaltak mi na chungkhar lawng an tang cang lai i..mi dang cu an thaizing rian tuak bu in an țintak thluahmah ko cang lai.
Suimilam (24)rauh hnu.Vulei tang i na taksapi cu a ti lei in zut aa tim chin lengmang…na thihnak thawng an theih rih lo mi sin in…phone call hna message hna na phone nih a don rih ko lai.
Ni(3) hnu.Cozah rian țuanmi na si ahcun…nangmah zaka ding ah midang Interview an tuah cang lai…vulei tang na taksapi zong a puar chin lai i..na kaa le na hnar le a kua a si mi paoh in a ti a chuak cang lai.
Ni(5)hnu.Na chungkhar pawl zong rian țuan lei an awt cang lai…na taksapi hi vulei tang ah a thu chin lengmang i a rawng aa thlen ve cang.
A zarh (1) ni ah.Na thih zarh(1)tlinnak an ti lai i..Biaknak lei phung in…Pastor an sawm i Thlacam pumhnak te an tuah lai .. cun…zanriah dum ții nak he.
Zarh(3) hnu.Rothil (na kalpi kho lo mi) kongkau an chim pah cang lai…nang cu na kuttin..ketin le na ha hna a tlawng cang lai.
Kum(1) hnu. a chungkhar chung in “nizan tihni bantuk te a si..” tiah an ngaihnak ca Fb ah an post lai. tam u nih cun unfriend an rak tuah cang.Kum(10) a rauh hnu ahcun.
Chungkhar chung in maw hawikom chung in dah..mi pakhat khat nih group hmanthlak a hmuh sual lai i ka ngai tuk e tiah a ti te lai..cu tik ahcun ruhro lawng in na um cang.Cu cu…kan thih hnu kan sining taksa mit in hmuh ning a si cu.Crd.Savang Khawtlaih