Robert Lalthlamuana hi India Football a hming dai tawh ngailo turte zing a mi a ni a.. India League sang Pahnih ISL leh Ieague lama a thathawhte avanga hriat reng tawh tur a ni.
Roberta hi TATA Football Academy atanga graduate niin Left back a khel thin Churchil Brothers Goan club ah a Professional Football zinkawng a zawh tan a. Hlawhtlinna tamtak neiin I-League Champhion trophy te pawh a hum haw a. Churchil Brothers tan Fapa Rangkachak dinhmun a luah nghe nghe a ni.
National ah India U-17 Captain Mizo zingah nithei hmasa ber a ni a, Kum 2010 khan Asian Games leh Asian Football Confideration Challenge Cup ah India U-23 tan a inlanin a hnu lawkah Senior team ah a khel zui nghal nghe nghe a ni.
Club lamah Red Machines an tih mai Churchils Brother ah bul tanin hlawhtlinna tam tak a khum a, Vice Captain hial a ni chho a, Chumi hnuah East Bengal ah kal leh in Champion no mawi a hawn leh bawk a. ISL a lo pian takah khan Delhi Dynamos leh ATK lamah te a khel leh a. Tichuan Professional Football a hman chawhnu lamah North East United ah a hun hi a hmangzo ta a ni.
Khawzawl chhul chhuak, Khawzawl Tlangval Robert Lalthlamuana India ram a Mizo te hmel tithatu zinga Pakhat a football zinkawng a lo tawp ta hi a lehlam tak zawnga ngaihtuah chuan a lungchhiat thlak lek lek a, lehlam zawnga ngaihtuah chuan Hriselna tha tak leh hlawhtlinna tam tak khum chunga Football zinkawng a harsatna liantham tawk loa a ballboot a khai thei hi a lawmpui awm em em a ni.
A hun hmantawh a Mizo mipuite leh India mipuite tana a thil lo tihtawha lawmthu kan sawi a, kan chhuanga kan ngaisang takzek a ni e. Dam leh hrisel taka hun hmang zel turin duhsakna kan hlan zui nghal bawk s.
Mizo Football pasaltha, Khawzawl Fapa rangkachak Robert Lalthlamuana zah tak chungin a football zinkawng zawhtawpna hi ah hian Khawzawl DFA chuan Lawmpuina chibai kan buk tak meuh meuh a ni e.