Pekhon – Pinlaung Ramri Um SAC Ralkap 30 Leng An Thihnak Myauhsalung Kahdohnak Ah Drone In Voi 35 Bomh An Thlak
Shan ramkulh thlanglei, Pekhon – Pinlaung ramri um SAC ralkap 30 leng an thihnak Myauhsalung kahdohnak ah Drone in kahdohnak voi 35 kan tuah tiah KNDF-UAV phu sin in theih a si.
April 20 in 26 tiang Myauhsalung kahdohnak chung ah Drone kahdohnak Voi 35 an tuahnak video tlawmpal cu KNDF-UAV phu nih an langhter tiah theih a si.
Myauhsalung khua cu April 24 ah KA, KNDF B/22, KNDF B/03, KNDF Strategy(5), KNDF UAV, PNDF-KK, MBPDF Battalion (2), Karenni ralkap phufonh, KGZ, KRU le URF hna i bawm in an kahdoh hna i SAC ralkap 30 leng an thi i hliamtuar an tam tiah theih a si.
SAC ralkap hna sin in MA-1 pathum, MA-2 pathum, MA-3 pakhat, MA-4 (79) pakhat, MG -3 pakhat, RPG 7 pakhat, 60MM hriamngan pakhat, pehtlaihnak seh 2 le a dang hriamthil tampi kan laak khawh tiah KNDF nih cathanh an chuah.TCP