1. 2023 Vaute 21 ah Mararam le East Lairam ramri, Zophei hmunram Ngalang le Mararam Ainak khua ramri tuksum ngai in minung pathum thahnak a chuak tiah kan theih caah CDF Zophei zong kan khuaruah a har ngai. Hi thiltuah hi kan dohkalh i, kaltak mi chungkhar nan ngaihchiatnak kan in hrawmpi hna.
2. Hi kong he pehtlai in CDF-Mindat cathanh ah, Magway ramthen, Pakoku pengkomh, Myaing peng in Ko Jet timi le Mindat peng in hriamnam zuarthlainak tuah tu Salai Aung Ling an i pehtlai tiah fianghlang in an thanhmi hmuh khawh a si. Kan hmunram ah sualnak a tuahtu cu a ran khawhchung in tlaih khawh kan i zuam lai.
3. CDF-Zophei nih humhimnak kan tuahnak ah Motor pakhat cu Ngalang in Bawinu tiva kalnak lam ah kan hmuh, hi motor le hi lainawn kong he khan a tlaichihmi a si ah cun tuanvo ngeitu hna sinah pekchanh dingin timhlamhnak kan ngei.
4. Ngaihchiat lungfahnak a canti nakhnga lo zapi kalnak lam humhimnak le kaphnih pehtlaihnak a thatnakhnga Biaknak lei le Zatlang bu lei fonh in kilveng kan i zuamlai tiah cathanh an chuah. Crd:TLT