Lainu cheukhat pawl suithi kuttum tia deng phum 3 hna nan i ngeih, lai thil le hnipuan bizu pa 2 khat bak in nan i ngeih, kedenh tuah 100 deng hna nan i ngeih i anthur tihang le thakbare he lawng hna zingzan in nan eimi nakin, hnipuan tha huahalo tein thawtein eidin hi a biapi deuh tuk.
Lainu cu nan tuan i eidin lei zongah nan khiar nain hnipuan tha le sui kongah cun thlachiat nan ruat kho lo, vawleicung kan nunchung caan hi a tawi tuk. Hnipuan tha nih na ngandamnak le na chan an sauter lai lo, eidin kongah nan khiar tuk nain a herh lomi hnipuan ahcun a za cang ti hmanh a thei lomi nan tam.
Eidin nan i sumtuk ruang ahhin nan fale pa fa tete, nak ngialngial tete, dakral taktak fawn mi, pee 5’2 hrawng minung kan tamtuk, single vuak cu ngam lo ngaiin mi bawmh hmang taktak an tam nak zong hi nan hnipuan cawknak ah vitamin kan bau tuk ruang a si pah lai ka ti ko eh.
Dinei that le thiamhlim hi a rak biapi tukmi a si minung kan caah, phaisa tampi khon luaimai nain dinei chiattuk ruangah chan tawi taktak mi kan tam Laimi hi. Vawlei hi na ta si dih hmanhsehlaw na chan a tawi tuk ahcun zeidah na caah sản a tlai lai? Dinei thawt na thiam ahcun na ngamdamnak a bawmh lai i na chan a sau lai, na tefa ca tiangin ngandamnak le thatnak an pek hrimhrim lai.
Lainu cheukhat cu nan poi pah ve nak cu, a chumh, a kio, a rawh le a hlur lawng dawh nan thiam le nan poi pah cuh. YouTube le Online in rawl chumh hna hi nan cawn pah deuh cu a herh ngai. Dinei thawt khawh chung thawt, ka ti duhnak a si lo, kan sining tluk tein le kan ngeih tawkte kha thawtein chumh thiam i zuam kha a biapi khun.
Suithi mangtara ngan le Laithil thingkuang tlum loin le le đánh tuah 100 nai ngeih nain, anthur tihang le antlak he lawng na chungkhar le kha rawl rak dangh ti hna hlah. Nunnuam tein le chansau tein nun na duh asi ahcun thawtein dinei khawh i zuam cio hna usih. Chelsea Bawi