Thantlang kahdohnak ah nunnak liam mi pasalttha Salai Hram Ceu hi kan hnung lei ah khan raldohnak a hliam hma i thlopbul dingin Delhi tiang a rak phan mi a si. Sii bawi te nih sii din ding an pek i narak i piah tthan te la tiah an timi a si.
A tang ah hin an sian lo nak a U Bor nih biazai a ttial mi ka vun thil chih! rak rel hmanh ngaihchia taktak a si.
Fa Upa
Pi le Pu nih dawtmi
Nu le Pa nih dawtmi
Fa Upa.
Hawi le kom nih tlaihchanmi
Khuatlang nih bochanmi
Fa Upa.
Kawi Hram
Keicu facebook cahmai ah
Thlahnak bia hna langhter ka duh lo
Na ti kha.
Kawi Hram
Kan sian lonak bia hna
Hi facebook cahmai menmen ah
Langhter hi ka duh lo sin. 😭
Na nunnak na pek tiang
Fek tein miphun caah
Na dir ka hmuh tikah
Upatnak mitthli le
Sian lonak mitthli hna
Hi ka biangno cungah hin
Hnawh cawk loin a luangliam ko.
Ka tuar khawh lo bantuk tein
A tuar khomi an um lai
Zumhnak ka ngei lo
Ka thazaang a der tuk.
Kawi Hram
Na tuarhma hna a fak tuk maw?
Na liamsia a harh tuk maw?
Tuar hna seh na ti ko maw?
Lin dih hna seh na ti ko maw?
Ziah na kan sian tuk ko maw?
Thinlung hma fak tuk in
Na kan roh tami hma hi
Zungzal a dai lai lo.
Si inn in na chuahnak hmanh
A rau rih lomi caan chikhat te chungah
Miphun caah fawi tuk in
Na nunnak na pekmi hi
Philh awk maw a that lai?
Ziah na saduhthah vialte hna kha teh?
Nai timhmi vialte hna kha teh?
Na chunmang hna na phak manh tung lo.
Kan tuar kho lo ee
Fa Upa hmunlipi arfi
Vailam tlang Pasal tha
A fak ti pin bia nih tlinh lo.
Nifatin tein lawmh caan a um bantuk tein
Ngaihchiat caan zong hi a um ve ti ka theih ko bu in
Kai hnem kho lo ee.
An thlahtu na tlaihchan tukmi
Na U Bor