Ram Ca Ah Nunnak A Petu Salai Khuang Ceu Thang Cu CDF-Hualngoram Nih Sunglawi Ngai In An Thlah. “CDF-Hualngoram ah nunthap in rian a ṭuanmi (pumpak no. A096) ralkap Khuang Ceu Thang cu October 12, ralram hmun pakhat i kahdohnak ah ram le miphun ca ah a nunnak a pek.”
“Ralkap Khuang Ceu Thang cu CDF-Hualngoram rian a ṭuan chung ah a biakam bantukin a rian a tlamtlinhmi a si caah a kaltakmi ralkap nih upatnak kan pek.”
“Nangmah Khuang Ceu Thang cu October 5, ah rian rak khinhmi na ṭuan lio ram le miphun ca ah na nunnak na pek i, nang cu ralkap si hna seh, ralkap chungtel si hna seh, anmah he naa pehtlai ti lo, ralkapbu in na zalen cang.
Cucaah cun kal na duhnak ah na kal kho cang. A taang rihmi dohthlennak ah teinak kan hmuh tiang pehzulh in kan doh lai tiin biakamnak he upatnak sang bik kan in pek,” tiah CDF-Hualngoram nih cathanh an chuah.