A tulio kan ram buainak kongah nichiar in i kah dohnak thawngpang kan theih i cu kan theih mi ahcun kan pasalttha hna an nunnaka liam le hliam le hma an tuarnak kong zong kan theih chih tikah Chin miphun kan dihlak in kan ngeiha chia i,a cheu ca lebang ah cun lungdonghnaak tiang ruahnak a ngei mi zong kan um hna.
Hi kong ah kan lungdongh awk a si hrimhrim lo.Zapi kan lung a donghnak cu,Ralhraang nih vanlong hmang in kan pasalttha pawl a kah hna i bomp a thlak hna caah a thi mi le hliam a tuar mi an um pin ah inn le lo tiang an khangh i ngeihchiah tiang in a kaang mi theih ding le hmuh ding a um caah a si kho.
America nih khan a liam cia kum 60 tluk ah khan ram hmete le zeipi a si lo mi,Vietnamcu a kuttang ah chiah a timh hna i vanlong he tilawng he ralkap ttha he a doh i a luh hnawh,kha lio ah khan Vitnam nih America cozah cawlcanghnak kha ttha tein a ngiat i doh ning phun a thlen
America nih Cunglei he tanglei he a doh ko nain a tei kho lo.Cucu zeiruang ahdah a si?Vietnam mipi nih khan an cozah ralkap nih US doh ning an thanh mi lawng i rinhlo in,an pasalttha hna lei ah an thinlung dihlak in an ttan caah US caah cun ttih an nung dih i an teilonak hna a si ko.
Tutan kan dothlennak ah hin kan ral nih cung he tang he kan doh hmanhselaw hnulei kan pil dinga si lo,hmailei kan fawn i kan doh chin i kan i lungrual chinchin ah khin,Ralhrang thapet kan phelh pakhat a si i,an lung kan donghter chin hna a si ti hi kan i fian a herh mi a si.Kan ilungrualnak nih Bawipa sin a phan lai i teinak cu kan hmu hrimhrim lai.
A tu ah hin a kan bawmtu dingin miphun dang hriamtlai tampi i timh cia in an um i kanmah tu hi kan i manh rihlo hlah maw tiawk in kan um.Ralteinak hi,Raltuknak vanlong le meithal tthattha ngeihnak in raltei khi a si lo,Ral a dohtu pawl i lungrualnak tu hi ral teinak cu a si.Kailawm. TDT