USA ralkap bawi pa nihcun, “hriamnam ttha zeitluk hmanh ngei ulaw, training tha te na kai le lim lo ahcun hriamnam ttha na ngeihmi kha manngei lo/santlai lo btk a si ko
Training ttha te lim le kai lo raltuk cu mah le mah i thah btk a si caah ralkap caah biapi cemmi cu training ttha tein kai le lim hi a si ” tiah a chim.
Training ttha tein a kai le limmi cu ralkap zulhphung he an i tthen khawh lo bang, Chinram luatter tu dingah rinhtlak ralkap an si caah a lamkip in dirpi le bawmh cio hna ding.
Chin miphun hi lungfim taktak kan hau, kanmah le mah kan i that kan i nawng dih lai hih.Kum 2021 in ralhrang doh dingah Chinram pengtlang kip nih hriamtlai in phu kan ser i,kan dir lulh cio hna. Kum 3 tluk kan kal cia zoh tikah ttihnung tuk dirhmun kan panh cuahmah.
Shanram miphun hi kawlram ramkhel ah thukpi a lut le kawlram president ttuan hmasa zong an rak si nain tu ahcun anmah le mah an i that,an i doh.
Zeiruangah Shanram cu mah ticun an um timi zoh tikah peng le tlang cio in hriam an tlaih cionak in aa thokmi si tiah 90% chim ngam a si.
Kachin, Karen le Kayah tehna hi peng le tlang cherhchan in hriamtlai an si lo caah Shan ram btk in anmah le mah mualpho tiangin an i that in an i doh lem lo.
A bikin ramleng um hna nih ramchung hriamtlai aa timi hna sinah tangka bawmhchanh zong i ralrin cio kan hau.( hriamtlai dih lak ka ti lo)
A tu Chin hriamtlai tiah aa timi a tam u cu ralhrang doh loin anmah peng le tlang chungah anmah lawng kha duh tawk in Lal i, aana ngeih tiang a ruat le a nuamh ning feel tuk in a kalmi kan karh cuahmah mi hi tuksapur dahkaw si cuh.
Rakhine, Kachin le Karen miphun btk in hriamtlai phu tthawng pakhat kan ngeih lo cun Chinram cu athlu thai te kho. Salai William Hlawnceu
VIDEO