Kalay in Hakha tiang hi meng 120 hrawng a hla. Saikal in suimilam 6/7 chung kal a si. Kawl ralkap pawl Kalay in March 9 in an i thawh i nihin 7 April tiang ah Ramthlo khua lonh meng 1 tluk an phan kho.

Thla 1 a tling hnik cang. Tuhlan an rak kai lio bang khan kal ti loin huamsam taktak in an kal. An i ralring tuk timi a lang. Ni khat ah meng 2 an kal chel, meng 1 an kal chel a si.

William nih a ṭial ning ah mawṭaw 28, Tank 1 le JCB 1 a ti i 30 an si hnga. Ralkap thazaang bel a ṭial lo. CNDF ṭial ning ah mawṭaw 40 leng le ralkap 250 leng an kai tiah an thanh. William ṭial ning ah a dihlak 30 tiah voi 4/5 hrawng a nawlh ca si dawh a si.

Kawl ralkap nih Tedim peng, Suangpi khua ah sianginn telh in inn 4, Tlangzar ah inn 7 le Ramthlo ah inn 18 an khangh. Thil tampi an hrawh rih. Lamthluan i Kawl ralkap kan thah an timi fonh cu ka chap te lai.

Ramthlo khua mi dihlak ramlak zam ni hi 21 March a si. Falam le Hakha i a zammi cu March 13 hrawng khan a si. salai Thawngpi

By admin

Leave a Reply

Your email address will not be published. Required fields are marked *