Ralhrang Nih Mino Cheu Khat Sii Ai Aa Thlopbul Cuahmah Mi Cu An Kah Thah Hna

Myiang Peng Ma Kyi Kine khua ah SAC ralhrang pawl cu lut in Sii Aii a thlawp bul lio mi mino cheu khat hna cu an kah thah hna pin ah mipi (30) renglo zong ralphaw caah an tleih hna.

Magway ramthen Myaing Peng Ma Kyi Kine khua ah SAC ralhrang pawl cu April Ni (18) ah an lut ii Sii Aii thlawp bul nak a ngei mi mino (10) nak tam hna cu an thah hna ii mipi (30) renglo zong ralphaw caah an tleih hna tiah mipi ralkap thawng hram sin theih asi.

Ni zan April Ni (18) zinglei suimilam (11:00) hrawng ah SAC ralhrang pawl nih Myiang Peng Ma Kyi Kine khua cu Mi 35 Helecopter (1) in akah ii Mi 17 Helecopter 2 in ralkap pawl a chiah hna.

Khua Sii zung ah aum mi Mizaw pawl le Kum upa cang mi pawl hna cu ralphaw caah an tleih hna ii Azam mi Sii Aii thlawp bul nak a ngei lio mi mino (10) nak tlawm lo hna cu an kahthah hna tiah mipi veng tu ralkap thawng hram sin in theih asi.

“Ma Kyi Kine Sii Zung ii SAC ralhrang pawl an luh lio ah a zam kho lo mi Sii Aii thlawp bul nak a ngei lio mi Kut bul ke buk mino pawl hna cu an kah thah hna. An kah thah mi hna hi (10) hrawng an si.

SAC ralhrang pawl nih Vanlawng hmang in Myiang Peng Ma Kyi Kine khua le Sii zung cu Van Lawng in an kah. Mah hnu ah Vanlawng in tum in an kah hna. Mah ruang ah Sii Zung ah aum mi Mino pawl zong tih in an zam hna ii lam hlat tiang an zam khawh lo caah an kah thah hna.

Sii Aii thlawp bul nak angei mi Mino pawl a zoh khanh tu pawl zong an kah tha ve hna. Atu tiang hi Ma Kyi khua ah SAC ralhrang pawl cu an um Peng rih” tiah mipi veng tu ralkap thawng fiang thei tu nih achim.

Mah pin ah Ma Kyi Kine Sii Zung le Ma Kyi Kine khua chung in mipi (30) hna zong SAC ralhrang pawl nih an tleih hna ii an tuk an valh hna hnu ah bia an hal hna tiah tual chung mi nih an chim.

SAC ralhrang paw ii an langh ter Ning ah Pa (10) le Nu (30) hna cu PDF pawl he peh tleih nak a ngei kho mi an si caah kan tleih hna ii Kan hrem hna tiah an langh ter mi hmuh khawh as. LCBN

Author: admin

Leave a Reply

Your email address will not be published. Required fields are marked *