Ralhrang nih ni hin Kalay Peng Laimi tampi an um nak Cekan khua inn an khangh mi ah Pi fa hna pahnih an khangh chih hna timi thawng theih cu ngaihchia in lung a fak kho tuk ee.
SAC ralhrang nih Cekan khua ah lut in C group chung inn 100 renglo an khangh piak hna tiah Cekan khua mi sin in thawng theih a si. Ralhrang nih Cekan an khangh nak i a thi mi hna cu kan mah Laimi an si tiah theih a si.
Sekan Khua ih Salai Vanbawi (kum 14) le Pi Ngaih Hnem (kum 67) Tei’ Pi-vah Hnih An Urkang Telcih
2023 October 7 ah Kawl ralkap in Kalay peng, Falam peng Chin mipi umnak Sekan khua ah lutin C Group lamih inn 100 lenglo an Urkang ih Pi-vah khal an urkangmi ah an tel tin Sekan khawmi hnen ihsin theih a si.
Kan rampi buainak cu meisa alh bang a hliau hrih. Mahle zumdan le tha tidan in kan ram boruak thlir cio a si. Zokhalin kan ruahdan kan upat sakawk a tul.
Kan rampi, le kan miphun hmailam kan zoh rualrual in mipi dinhmun zoh cih a tul. Politics (party or hriamkai) hi mipi hrang ih tuahmi a si ahcun mipi dinhmun zoh cih tengteng a tul theu.
Kannih in kan nunnak hlan in ral kan do tihi a dik naan hitin feh ding hi za ah za a tha thluh lo men thei, asan cu mipi cu mipi an si ringring.
Tuvekin mipi le khua (inn) an nawkkang vivo asile malte a rei cun mipi kan caurau ding, dothlenghnak ah mipi hi dothlenghnak ih thazang ziangkim ratnak a si tikah mipi bei a don ni cu dothlenghnak a cem ni a si theu.
Curuangah mipi caurau, tha poih le beidong lo dingin dothlenghnak fehpitupawl in karlak ih an lek le fehpi thiam lo asile a caurau tu ding cu mipi lawng siloin hriamkai khal an caurau cih mai ding.
Ramsung ih inn lo an ursak mipawl in ramsung ramleng ih an sungkhat pawl hnen ihsin bawmnak an tul, cutikah sungkhatpawl in an nulepa, inn lo, unau kha an tundin saal a tul tikah dothlenghnak ah sumlut a mal ding.
Curuangah mipi le inn hi MAH lam in dai lo dingin dothlenghnak tuahtu lam in a cang theitawkin hrial theimi an hrial a tul, tahthimnak ah khaw sungah lutin tankhuar le um tivek hrial haisehla, cule.
Khawsung ih kahawknak hrial cun mipi kut-tuar le inn ursak tipawl hi tampi cu a zia deuh phah ko ding. Tucu khaw sungah lutin an kap, tawkfang in dung an siip tikah a taang tami mipi le inn ih tuar asi.
KIA, AA, TNLA, SSPP, le tlangpar hriamkai Upapawl cun khaw sung ah doawknak an fehpi duh lo, ziangahtile mipi thupitnak an theifiang, curuangah umlan, humlan, le laklan thei lonak ding hmun cu va tokthai le va-teer lo kha mipi hrang a tha peimaw.
Sekan hi innkhi 1000 kiangkap umnak a si ih Kawl ralkappawl in ttum 4 tluk an urnak si in inn 300 zik an urkang thlang men dingih ruah a si. Pathian in riahsiatnak tuartupawl an zatein hnem in a letin thlawsuah pe cio haihramseh.