Myinthar Khua SAC Ralhrang Hriamngan Kahnak In Sualnak Ngeilo Mipi 3 Nunnak Liam 8 Hliam An Tuar
September 16, zan suimilam 7:00 tluk ah Magway ramṭhen Gangaw peng Myinthar khua chungah SAC ralhrang nih hriamngan ankah tiah theih asi.
SAC ralhrang hriamngan kahnak in sualnak ngeilo tualchung minung 3 nunnak liam pinah midang 8 nih hliam an tuar tiah tualchung mi hna nih an chim.
Tamu Peng Kahdohnak Ah Mipi Hriamtlaiphu 3 Nunnak Liam 2 Konglam Theih Loin An Tlau. Sagaing ramṭhen Tamu peng PDF Battalion 4 umnak (Camp) cu SAC ralhrang nih luhhnawh in ankah caah mipi hriamtlaiphu chung in minung 3 nunnak liam 2 konglam thrih loin an tlau tiah theih asi.
Mipi hriamtlaiphu hi kahdohnak hmun in an zaam i umnak hmun thar serṭhan dingin an i tim tiah an langhter. Ralhrang nih tualchung inn mawsi PDF umnak (camp) dek an khangh tiah an langhter chih.
Kahdohnak hmun ah ralhrang lei in a thimi le hliamtuar mi zeizet ansi kan theih fiang kho rih lo tiah Tamu PDF mipi hriamtlaiphu chungin ṭuanvo ngeitu pakhat nih achim. Lungmili Pos