R.I.P: Indianapolis USA Khuasa Pu Khar Vung Nih Mual A Kan Liam Tak
Thantlang khuami Indianapolis, USA khuasa Pu Khar Vung, 58, nih tuzaan lei ahkhan damlonak in mual a kan liamtak.
Naihrawng cu ngaihchiatnak a peh peh bakin kan tong ko a mak ko. Tantakmi chungkhar Bawipa nih in hnem ko hna seh!
Karen Ram Ah SAC Ralhrang Nih Khuami 16 Kuli An Phurh Ter Hna; Minung 1 An Thah
Karen National Union (KNU) humhak nak hmunhma chungah SAC ralhrang hna cu pehzulh in cawlcawngh caah khua mi minung 16 hna cu hramhram in Kuli an phurh ter hna i khua mi minung 1zong ralhrang nih an thah tiah kan theih.
KNU humhak nak hmun chungah SAC ralhrang hna nih April 3 le ni 4 lio ah Mya-thar-kon khua cu luh hnawh in khua mi cycle 5 lak piak hna, cun inn bauh le thilri an fir piak hna pin ah Lat-pan-phyo khua mino pakhat zong a ruang um lo in an thah tiah khua mi nih an chim.
Mah pin ah khua mi minung 16 zong ralhrang nih lam hmuhsak tu ding le an thilri phurh ter dingah an tlaih hna. An tlaih mi hna 16 chungah minung 7 cu April 5 ah an thlah hna nain minung 9 cu an thlah rih hna lo.
Khua mi hna cu tlaih le hremnak an pek hna caah khua kiangkap um mi khuate chuekhat zong an khua ning pi in an zam dih hna, ralzam hna caah eidin, sii-ai tibantuk bawmhchanh an hauh lio a si’tiah mibawmchan tu phu pakhat nih a chim.TLT