Russia he I fon in ralkap thazaang kan thawng ter chin lai tiah china niha chim. Russia le China ram nih ralkap thazaang thawnter chin ding in kan tuah ti lai tiah China Venhimnak vuanci nih a chim , Ukraine kahdohnak a fah lio ah hin Russia le China pehtlaihnak a thawn chin chin kong cu a tubantukin a chim mi nih hin a langhter hmuh a si.
Russia a phan mi China Venhimnak Vuanci Li Shangfu cu zarhpini ah khan Russia president he an I ton I cu hnu ah cun Russia venhimnak vuanci he zong nikhat ni ah khan tonnak an ngei ve.
Ram hnih lungtlinnak a theipar chuah ternak ah tiin Russia le China ralkap thazaang hna cu hmunkhat ah tuantinak , ralkap lei IT cawnnak le hriamnam I kuatnak hna cu a hlannak tha deuh in an tuah lai kong China Venhimnak Vuanci nih cun nikhatni ah khan a chim , kan thazaang cu kan thawnter deuh hrim lai tiah a chim chap theih a si.
China president Xi Jinping Russia a phan hnu in venhimnak vuanci cu a va kal than I nithum chung Russia ah riantuan ti nak ding kong an I ceihhmai hna hi a si , American le ramkip phu fonh hna I an thazaang zorh ter chin ding ah hin a tu bantukin Russia le China neihniam tein an tuah ti nak hi a si.
Ukraine doh kong kau ah hin China nih Russia sualphawtnak a tuah lo bantukin American le NATO hna nih hin Russia hi an zuam teih tiah a chim chap cu hmuh a si. China nih Russia a va ton hi a thachiat lo nak ding ah a dirpi hi hmuh khawh a si.
Ukraine kahdohnak a tuah ruang ah hin dantatnak phun kip a tong mi Russia nih hin China cu a bochan ngai ngai kong theih a si , Nitlak lei ram hna nih Russia zina le gas chuahnak hna cu dantatnak an tuah hnu hin China sin lawng ah a kuat deuh cang hna ,China le Russia pehtlaihnak cu 30 % hrawng a thawng chin cang.LCBN
