Ngamit zawtnak cu miring holh in Cron tiah an auh. Ngamit zawtnak (molluscum contagiosum) cu vun cung ah a chuakmi a bo tete an si. Cu a bomi na dip ah cun cu a boin cun a par tete an chuak lai. Akarh a fawi I tongh sual, khon sual ah cun a fak ngai. Takpum zapi in a chuak kho.
Asinain ngamit hi kee ah chuah a duh khun. A chuah tambiknak hmun a si. Cheukhat nih cun Titsa hakim ti zongin an kawh auh. Zuhnuk cu miring nih Wart tiin an auh. Zuhnuk cu HPI tiah auhmi Human Papilloma Virus phunkhat ruang ah a chuakmi a si.
HPI virus hi phun (80) hrawng a um caah zuhnuk hi minung takpum hmunkip ah a chuahnak a si tiah an chim. Kawl sii phunkhat in zuhnuk, ngamit zawtnak pawl cu a damh. Tuah ningcang cu hi tin a si. Kunya (kuva) hnah ah polhmi thung cu kunti pumkhat tluk, aithing kiap khat, khachuanrang ba khat cucu a herhmi an si.
Cu thilri hna cu zeitin dah na ngamit le na zuhnuk tlaunak ah na ser lai ti ah cun, cu phunthum cu dip cikcek, mei cikcek in na phomh lai. Cu na phomhmi cu na zuhnuk le na ngamit cung ah na benh lai I patti a silo ah puanchia a thiangmi in na tuam lai.
Minutes (10) a rauh hnu ah na tuammi cu na phoih lai. Cu tin a phoih ah cun zuhnuk le ngamit cu an puar lai. Cu tik ah na kut in na tlaih lai I na dawh hna lai. Cu tin a dawh ah cun a hrih le a hram tiang na dawh khawh dih lai. Na zumh ah cun tuah chunh hmanh, naa ruah lo ning piin damnak na hmuh ko lai. Na caah a that I na hawkom na siaherh a si ah cun zalong tein share khawh a si.