Central Lairam, Lawngtlai 2023 Vaupi 22: East Lairam Thantlang in Central Lairam Sangau khua ah ai dor i Chin Imanuel Church Mino Secretary țuan lio mi Pu Van Thawng Uk kum 22 cu nihin 2023 Vaupi 22 ah mino hnianghrawn an kalnak Tipi le Țio tawnnak ah ti ah a paam tiah thawng kan theih.
A ruak hi Sangau II YLA thlaanhmun ah vui a si lai.A nih hi Thantlang UPC member a si. A nupi le a fanu kumkhat le thlali mi a kaltak hna. The Lairam Times
Relchap- Laica le Kawlca Cawnnak, Sangau IRCC program in Sangau khua i ai dormi kan fale, tang nga tang Laica le Kawlca cawnnak cu Pathian lam hruainak thawng in nihin (Apr.22,2023) in kan thok khawh cang.
Nihin thoknak ah kan fale minung 85 an kai kho. Nu le pa cio nih an fale an van chiah thlah ciomi nih hi cacawnnak hi tha an pek ti kan hmuh caah kan i lawm.
Bawmchantu IRCC (TABC & CCBC) riantuannak cung ah siseh, cawn awk cauk a lak in a kan thentu TPAC cung ah siseh, cawnpiaktu Saya/Sayama dihlak cungah siseh
Ca cawnnak caah a lak tein sianginn a kan hlantu Model Middle English School, Sangau II riantuantu dihlak cungah siseh, kan lung ai lawm tuk. Pathian nih thluachuah pe chin hraam ko hna seh.
Cawnpiaktu Saya/ma hna hi kan ram i sianginn cachimtu lawngte an si caah kan i lunghmuih khun. Cawnpiaktu hna cu a tanglei bantuk in an si.
1. Saya Pu Ni Uk – Hruaitu
2. Sayama Pi Ngun Tha Sung -IV
3. Sayama Pi Biak Tha Iang – III
4. Sayama Pi Thla Tin Dim – I
5. Sayama Pi Sui Tha Chin Sung- II
Kum chuak tein kan cawn khawh nakhnga le tangriat tiang cawnnak zong kan tuah khawh than naklai thlacampi kan herh peng ko. “Jesuh cu pum lei in siseh, fimnak lei in siseh, a hung thang i Pathian hmai le minung hmai ah mithmai tha a hmu” Luke 2:52. Hakha News