Central Lairam, Lawngtlai 2023 Biangreithlep 16: Nithaizing suimilaam 5 hrawng ah Serchhip khuachung, Chhiahtlang le Bukpui kar, Bukpui pawng NH 54 lamthlang 15mtrs hrawng ah ruak char a si. Hi ruak charmi hi Lalsangzuala(30+) Aizawl Mission Veng tiah fehter a si. A lu le a hmai hrawng thi nih a tuam dih caah minung kut a tuar țheo lai tiah zumh a si.
Nithaizing suimilaam 5 hrawng ah Chhiahtlang lei nupa tuahkhat thlacam kal mi nih lampi ah thi nehnang an hmuh, thi hi lampi in lamthlang lei a panh, lamthlang lei an hei zoh ah 15mtrs hrawng ah mi pakhat ruak an hmuh.
An hmuhka ahhin thi nih a thuam tuk lo tiah an chim. Lampi thi luannak pawng hrawng ahhin Phone, Kedan le Dispo hrai le Minwral water hna hmuh a si. Rianrang in YMA hruaitu an chimh hna i, YMA hruaitu hna nih Palek an chimh colh hna. Serchhip Police SDPO Pu Kaste Romalsawma le OC Pu Lalramhluna hna cu rianrang ngai in an phan colh.
Lalsangzual hi NHIDCL tangah Computer Operator a si i, Serchhip Kikawn, Sericulture Complex pawng an Camp ah a um tawnmi a si. Driver ah Chhiahtlang Chhim Veng mi Lalramtluanga S/o Lalramzauva a hman.
Nizaan ah a Driver nih Chhingchhip pawng, Thinghmunzawl NHIDCL Camp ah a va lak, a drive hna inn ah zanriahh a ei zaan suimilaam 9:30 hrawng ah an it, cu hnuah a Driver Lalramtluanga nih Lalsangzuala kong a thei lo, a thaizing a thawh ah a um lo ti a theih tiah Serchhip Times nih a langhter. A motor khalh tawnmi Bolero a chiahnak ah a um lo, motor hi Chhiahtlang Chhim Veng YMA Run ep ah mithing a va pah. Pu Lalsangzuala nih a nupi le fano pakhat a kaltak hna. The Lairam Times