Rescue Center Hrangah 10,000,000.00 Kyat (Tingza) Hlu: Pa Lal Hre Lian & Nu Kei Thluai, Tahan te insang in M3 Rescue Center (MRC) hrangah Ks.10,000,000.00 (Tingza) an hlu.
Lairawn ih kan tulzet mi pakhat cu Rescue Center tha neih a si. Latpanchawng zin, Vaphai lilawnsak ah hmunram kau zet lei a siih, a tanglam zuk vekin building sak tum a si.
Ritthei sal ih a tangmi kan unau pawl taksa, thinlung le Thlarau runsuahnak hmun thazet neih kan tul. MRC cangsuak thei dingah Pathian in sangka in ongsak zo. Miphun le kawhhran, bulpak le insang khal in kan tuankhawm.
MRC thathlecenak ding cu nun beidawng ra luttu hnenah an talent haisuahsak in an um sungah thiamnak zirh man tumtak a si. An suahhnu khalah pumcawmnak ih an hmancih thei ding zirh tumtak a si.
Thimnak ah: Puan thit, Thiamtah, Payan (innsak) Lettama, Sammeh (Lumeh) le Mirang tong vek khal a tuldan in phun tampi training pek tumtah a siruangah hleice ih a thatnak ding a si.
Kan fa, kan unau le rualtha pawl nun beidong ih um kilkhawi le training tha in peksak theitu ding MRC hrangah thla cam ve aw.
Sumpai khal in na titheitawk thazang suah aw. Pathian in a lo samsal ding a si. Pa Hre le Nu Thluaite insang ah Pathian thlawsuah thar luangliam sinsin hramseh.