Zephai nih kan bochan i kan dawtmi Pi Hniang Zi (A Dang) nih ruah lo tuk in Motor i khonnak in June 21 zinglei sml 10:30 am ah Indianapolis ah a dawt tukmi a va le a fa hna kaltak in a kan liam tak.
“A Dang”kan in siang lotuk nain mu, hi tluk tuanah na kan kaltak lai i a pel te hmanh kan i ruat cia lo. Bawipa nih nuncaan ri an khiahpiakmi kan phan ko rua mu.Sian lo buin rak kal chung ko ne law.Crd.Khamh Cung Nung
Myonwa Pengkomh Hrambunh PDF Sakhan Pakhat Cu Mei Nih A Kangh I Kyats Sing 300 Man Hrawng A Ciam
Sagaing ramṭhen, Monywa pengkomh ah hram a bunhmi Monywa pengkomh Battalion (2,3,4) Chindwin Attack Force hna hriamnam sernak sakhan pakhat cu mei nih a kangh caah kutser meithal telh in kyats sing 300 man hrawng a ciam, tiah chimphuannak nawlngeitu pakhat nih a chim.
“June 19 ah hriamnam kan ser cuahmah lio ah thil pakhat khat a can sual ruangah kan sakhan cu a kaang i Ks. Sing 150 in 200 man hrawng kan chiahmi zen, rifle, kutser meithal le motor telh in kyats sing 300 man hrawng a ciam,” tiah Chindwin Attack Force in chimphuannak nawlngeitu nih cun a chim.
Khatlei phu nih thir an sengh, khatlei phu nih kuanbawm an tuah. Cu lio ah mei kanghnak cu a chuak. Zun khat ah kyats sing 20 man hrawng a simi rifle zong a ciam dih, tiah a chim chap.
A luancia April 10 lio zong ah khan Monywa pengkomh hrambunh Danger Force LPDF hna hriamnam sernak sakhan cu a rak kang i kyats sing 70 man hrawng a rak ciam, tiah theih a si.