Sagaing ramṭhen, Tamu peng PDF-Tamu Battalion 4 sin ah aa fonmi Tu Tat Tun tiah kawhmi Nan Oo cu a nupi he April 25 ah meithal 4 he Tamu khuapi um SAC ralkap sin ah an lut ṭhan tiah a si.
Nan Oo cu PDF-Tamu Battalion 4 ah ralkap 50 tluk hruaitu ah ṭuanvo an pek i Tamu khuapi hrialnak lam ah ṭuanvo a laak lioah a nupi he an zaam tiah theih a si.
“Tamu peng, Regional Hluttaw Representative U Thang Se nih Nan Oo cu a luancia thla thum ah khan hriamnam i ken loin a rak lut. Kan Battalion daithlan zong a si i kanmah sin a luh ahcun a himnak hmun ah kuat ding an si ko.
Kanmah sakhan ah ṭuanvo pek ding an si lo, dohthlennak hramthawk ka in mipi hriamtlai sin ah aa fonmi kong ka chim duhnak a si lo, atu hnu i a hung lutmi hi cu midingfel an si le si lo ngiattlai ngaingai an hau” tiah a chim.