Ye Peng Le Tanintharyi Peng Ah Kahdohnak Peh Zulh In A Chuak I SAC Ralkap Lei 23 An Thi. Mon ramkulh,Ye peng ah nithum chung kahdohnak peh zulh in a chuak i SAC ralkap lei 13 an thi tiah Taungnyo Guerrilla Force i tuanvo ngeitu pakhat nih a chim.
March 31 Ye peng,Aung Thapyay khua pawng ah thazaang 20 hrawng a si mi SAC ralkap cu Tuangnyo Guerrilla Force nih a thli thup in an doh hna i a hliam mi le a thi mi a zat cu fianh khawh a si rih lo tiah theih a si.
April 1 Ye peng,Baylamine khua pawng ah inn cit mawtaw in a ra mi SAC ralkap pawl cu zaanlei sml 6:30 hrawng ah Taungnyo Guerrilla Force nih bomb an puah hna i SAC ralkap 1 a thi tiah theih a si.
April 2 Ye peng,Kaninkamawt khua pawng ah Ye peng in Thanbyuzayat lei ah a kal mi Dawei tivakam ralkap mawtaw run 7 cu zing sml 9:25 hrawng ah Taungnyo Guerrilla Force le a dang tantiphu nih an doh hna.Kahdohnak hi 10 mins chung a si i SAC ralkap lei 10 an thi tiah theih a si.
Cu ni chun sml 11 hrawng ah Peinhnetaw khua pawng ah a thup mi SAC ralkap cu Taungnyo Guerrilla Force nih a thli thup in an doh hna i SAC ralkap 2 an thi chap tiah Taungnyo Guerrilla Force i tuanvo ngeitu pakhat nih a chim.
Tanintharyi ramthen,Tanintharyi peng,Theinkhun khua pawng kahdohnak chung ah SAC ralkap lei 10 an thi tiah Myeik-PDF,battalion-2 sinin theih a si.
April 2 chun sml 11 hrawng ah rallam a rak sial mi SAC ralkap cu tantiphu nih an doh hna i kahdohnak hi 45 mins a rau.Cu kahdohnak ah SAC ralkap lei 10 an thi i tantiphu lei him tein hnu an kir kho tiah theih a si.
Cu kahdohnak cu Myeik peng mipi vengtu phu, battalion-2, tatkhuai-1, Tanintharyi-PDF le KTL tantiphu pawl i fonh in an doh mi hna a si tiah theih a si. (Crd: CBN DN)