Vawlei cung ah hin zawtnak phun tampi an um i cu zawtnak tampi hna lak ahcun minung tampi nih an thihpi mi zawtnak cu pawpi fah zawtnak hi asi ti u sihlaw kan palh lem lai lo.
Zawtnak lak ah thlopbul a har taktak mi cu pawi gastic, pawpi fah hi asi. Pawi fah zawtnak cu si-kan ngeih huaha lo le bang ahcun a dam a har taktak mi zawtnak a si. Cu lawng hlah pawi gastric cu eidin i sum hau mi a tam khawh ning cu khuaruahhar a si.
Pawpi gastric a nei mi hna nih ei bak lo ding mi tampi lak ah pakhat cu Kuhva khi asi. Kuhva na ei bak ahcun na pawfah cu a zual colh ko la. Cun a thu-theng le a thak tuk mi pawl hna khi i sum dih an hau.
Keimah hi kum tampi pawpi gastric a ngei mi ka si i, tlangrai dang i ka zawt sual i sii- ai dang tampi ka ei, kai chunh paoh ah khin ka pawpi gastic nih a rak huat caah a zual tthan lengmang tawn.
Ka pawpi gastic thlopbulnak ah hin sii ai ka din mi a tam khawh ning cu chim cawk ding khi asi lo. Cozah ser mi sii ai tam tuk/ phun tam tuk ka ding ko nain damnak taktak ka hmu kho lo.
Kan hnung lei deuh teah khan tlangrai in ka zaw i sii kai chunh i cu kai chunh mi sii cu ka pawpi gastric nih a rak huat tuk caah kan luakchuak, ka lufak cuti bak cun zarh khat tluk hrawng ka um.
Rawl ka ei khim hlan ah khin ka pawngkal a chuak colh i ka ei mi tirawl vialte cu sullam ngei lo ah ai cang lengmang. Ka lungdongh hnu ah mi nih kokek sii ttha tuk ka theih mah cucu ei piak law na dam men lai dah kaw aka ti.
Cu kokek sii cu Lungthi le Khuaihliti, Aihre ( mehkio) nak i kan thlak tawn mi khi an si. Mah hna phunthum cu hmuh khat ah cawh i zingzan in din piak ding asi. Tu hi ka din nak zarh khat hmanh a tling rih lo nain, ka luakchuak mi le ka lufah vialte cu mithnawm lak bak in a ka lak dih.