|

Pau Dohthlennak Hi Kan Voikhat Thil Ton Cu Si Kaw Kan Mawh Lo Cuh!

Pau Dohthlennak Hi Kan Voikhat Thil Ton Cu Si Kaw Kan Mawh Lo Cuh!

Tutan kan pau dohthlennak cu a fak hringhran. Tutan kan dohthlennak ah teinak kan hmuh lo ahcun ralhrang nih a kan pen thai ding a fiang tuk. Zeitik hmanh ah kan tei kho ti hna lai loh. Cucaah tutan kan pau dohthlennak (Spring revolution) cu biapi taktakmi dirhmun ah kan um.

Thawngpang le thil sining hlathlai le cuanh khawh tawk ah tutan pau dohthlennak hi hmai a sawt ngai ko. A sunglei kan si hrimhrim loh. Cucaah kan lungdongh lo ding biapi tuk.

Tutan dohthlennak hi kan voikhat thil ton a si tikah hmuhtheih (experience) kan ngei loh. Tikah kan i chuihpahnak tete a um ko lai. Kan cawn pah lai, kan i chim pah lai, kan palhnak hngap tiah kan i remh cawlh lai.

Cu tite cun kar kan hlang cuahmah ko ahcun Pathian nih teinak a kan pek hrimhrim ko lai. Khua a dei dengmang cang. Fak tuk in a irhmi khuaihli hnai a chuak dengmang cang.

Cucaah kan dohthlennak ah kan thazaang rengh deuh chinchin a herh. Kan dor zaw lo ding biapi tuk. Thla kan cam deuh rih lai.

Thazaang kan chuah deuh rih lai. Thachiatnak le solhphelhnak, soiselnak le dohkalhnak bia cu thlitu hei choihter ko usih. Cu lo ahcun kan lohma a sawt kho lai loh.

Tutan kan pau dohthlennak ahhin kan chumh chuan le kan eidin ning zong thlen a hau. Kala (Indian) bantukin roti le pee hang lawng in kan tongh a hau.

Laimi cu voikhat zing thaithawh kan ei ah Kawl phaisa 1000MMK dih usihlaw Kala (Indian) cu 200MMK hrawng lawng an dih. 800MMK kha dohthlennak ah na pek khawh cang. Roti pahnih kha pee haang he khim lak in an ei. An paw a ṭam hlei loh. An thazaang hmanh a um deuh lehlam. An ngan hmanh a dam deuh lehlam.

Lakphakti, kunya, khuak tibantuk kan tonghmi zong dohthlennak caah von i sum deuh a hau. Dohthlennak hi hriamnam tlaih lawng a rak si loh. Kan tappi zong in ṭuan khawh a si. Cucu dohthlennak ah mipi rian biapi tukmi an si hna.

CBCUSA supporting million project ruang ah kan dohthlennak hnursuang bak hlah seh – kan hngalhnak haartertu ah cang seh.

AA le TMN nih kan dohthlennak hnursuang bak hlah seh – ralrin zia a kan thiamtertu ah cang hraam seh. Salai LTT bia nih kan dohthlennak hnursuang bak hlah seh. kan thazaang ah hmang usih

Online tiger pawl bia ruang ah dohthlennak hnursuang bak hlah seh.  kan lohma te ah ding tein kal ko usih lam a kan pialter tu hmang bak hlah usih.

Kan voikhat pau dohthlennak thil ton ah cun Pathain thawng in hma kan sawt tuk leh hih kan i chuih pah ṭualmal ko lai.

Ral ram ah cun lung zong kan i chuih pah ko lai. Kal kho loin hri-zun zong nih a kan dawh (tlaih) ko lai. Kan ti thawl chung ti zong a tleet caan um ko lai. Nain kan lung dong bak hlah seh. Pathian thawng in tutan kan dohthlennak cu teinak kan hmu hrimhrim ko lai tiah ka zumh ko. Zunglian Hlawnching

Similar Posts

0 0 votes
Article Rating
Subscribe
Notify of
guest
0 Comments
Inline Feedbacks
View all comments