Na ruah ve tawn lai. Nain, a chim awk na hngal lai lo. Ka van thai hnu belte cun a chim awk tu cu na hngalh te ko cang lai ti cu ka hei theih pah ve ko cu mu… biatak capo pah mu.

UN General Assembly ti phunphai ah Kawi Sang (Sasa) bia a chim lai, ti a rak si. Kanmah miphun bakte a si caah kan rak ingaih dih.

Kawi Sang kha a thli a rak mak pah tuk lawpaw i Kawl awtaw mipi nih an zumh tuk fawn. An rak uar taktak.A FB khi cikhat lo te ah blue mark a rak ngah kho colh.

Kawi Sang nihcun “ka chim te lai” ai rak iti ve ko. Nain, a caan a phanh taktak tikah, a chim lo.Kawl cozah a aiawhtu ding ti in an thimmi Caw Mu Tthun (KMT) nih a chim. Mah khikhi a sawhsawh ah na ruah men lai.

Nain, kei nihcun, a hramthawk te khan, a sawhsawh ah ka rak ruat lo. Zer a si ka theih caah si. Kawlram mi aho nihdah KMT timi pa kha an rak hngalh bal? Sasa zong cu rak hngalhmi cu si lo nain, mipi do-aunak thawngin Kawlram mi vialte hngalhmi ah ai rak ichuah.

UN i cozah a ai-awhtu ding timi khi Kawlram chung i zei bantuk cozah ai thlen zongah, cu ai thleng lengmang dingmi pawl a ai-awhtu ding khi an rak si nain.”KMT nih ralkap hnulei a chit i mipi a kan dirpi” ti in mi vialte an ilawm tuk nain.

Kei nihcun, ka huat ngai. Ka fih fawn. A biachim hrimhrim ka rem lo. Ca cu a thiam lai nain, mah lio caan kan herhmi cu, lutaw hngal leem lo khawngtawn Sasa bantuk kha an si.

Mah khan cun ai mah ti lai lo ti khi, ka thluak nih a theih tuk. A thei le a rak hmu kho Laimi chungah an rak um cio ko lai. Nain, Lai mifiim pawl vialte belte an emotion nih a rak tei dih hna.

Kawlram i UN aiawh caah Sasa tu kha rak siseh law, UN phung ninglo in amah duhning in a hal te hna lai i mah cucu kan ram caah thil ṭha a chuahpi khawh te men ti khi hnabei sei cu a rak si.

Nain, Kue ho nih an rak nawinok khawh hoi i Kawi Sang nihcun a vai ilunghmuih dom.
UN le Western rampi hruaitu upa pawl sinah khin Kawlram mi tehna nihcun Buluk lukpi tu kha rak thlah awk a si ti khi na tuak bal maw? Na tuak kho fawn lai lo.

Mah cu zong cu Kue ho nihcun an rak ruat kho lo si lai lo… KMT kha a thli in an rak chimhchonh hrimhrim lai ti ka zumh.

Mah bantuk tehna kong tu khi kan veimalo dohthleng langak runrual nihkhin an kherhhlai pah ikpak awk cu si.

Nain,An tang rumro ah an va kun ko khi mu! Anmah sin indirectly khin $$ tampi an iruh ve telai ding an iruahchan tikah cun…Khi lawng an bawh cio tikah cun!Mah tehna kha si, u le nau hna.Salai C Alexander

By admin

Leave a Reply

Your email address will not be published. Required fields are marked *