Laimi nih nupi/va kan ngeih tik ah an nu le an pa kan kawh hna ning hi kan ipalh deuh ko hlah maw tiah keimah le keimah kai al lengmang tawn,a donghnak ah ka hei chuah khawh mi cu a tanglei ah hin tawite in ka van langhter ve tuah lai.
Pathian nih Adam a ser i,Adam hnak-ruh in Evi a ser than,nu a ser hlan ah khan pakhat lawng a si i,pakhat lawng a si mi,Adam khan nu pakhat a ser hnu ah an pahnih in an pa cu,Jehovah Pathian lawnglawng kha an Pa cu a si ko.Asullam cu,nupa an sitik ah,Evi cu Adam ruh in ser mi a si caah an pum cu pahnih in lang hmanh hnaselaw,titsa ah pakhat an si i,an Pa kha aidang kho hrimhrim lo.
Cathiang ah zeitindah kan hmuh tthan kha.”Mathai 19 :5 cucaah pa nih a nu le a pa kha a kaltak hna lai i a nupi he an i fon lai i cu hna pahnih cu pum khat an si lai, tiah Sertu nih cun a ti,’ timi Cathiang chung ṭialmi kha nan rel bal lo maw?Cucaah pahnih an si ti lo i pakhat an si cang.Ti hi a si.
Laimi tampi chung in a tutiang kan hman mi chungah kan palh ngai ko rua tiah ka ruah mi cu,’kan nupi le an nu le an pa le kan pasal le an nu le an pa kha,ka pi ka pu tiah khawh a hmang mi,Laimi chungah tampi kan um,hihi kan palh ngaingai ko lo maw?
Mathai 19:6 Cucaah pahnih an si ti lo i pakhat an si cang. Pathian nih a fonhmi hna cu ahohmanh nih ṭhen hna hlah seh,” tiah a ti,nupi le va kan ngeih ko bu in kan nupi le kan va le an nu le an pa hna,ka pi ka pu tiah kawh kan hman ko rih mi le nupi nu le pa le pasal nu le pa hna kha thlendan a hmang mi hi cu,Bible nih a kan cawnpiak ning he cun ai kalh ngaingai caah kan palh a si ko lo maw ti hi ka lungum bia ka van in hrawmh ve hna.Zeidek nan hmuh ning a si ve cio!! Hi kong hi 2021 June 1 i ka rak ttial cang mi a si.